Shtetet e Bashkuara të Amerikës dhanë 5 milionë dollarë donacion për Shqipërinë! Por fondi do të ketë një adresim specifik…
Shtetet e Bashkuara të Amerikës dhanë si kontribut në Konferencën e Donatorëve për Shqipërinë, 5 milionë dollarë. Por për çfarë do të përdoren këto para?
Matthew Palmer, Zv. Ndihmës Sekretari i Shtetit për Byronë e Çështjeve Europiane dhe Euro-Aziatike gjatë fjalës së tij në Konferencën e Donatorëve të Komisionit Evropian për Shqipërinë tha se shuma do të shkojë për themelimin e një akademie transparence.
Kjo akademi, sipas Palmer, do të ndihmojë Shqipërinë për administrimin në mënyrë transparente dhe llogaridhënëse të donacioneve të pas tërmetit dhe fondeve të tjera publike; punën rimëkëmbëse dhe konservuese për monumentet kombëtare në Durrës, Krujë dhe Prezë; si dhe për mbështetjen e Federatës Ndërkombëtare të Kryqit të Kuq, e cila do të ndihmojë Kryqin e Kuq Shqiptar në ngritjen e një Qendre Operacionale Emergjencash për koordinim të bashkërenduar dhe më të theksuar në përgjigje të emergjencave të ardhshme.
Edhe më herët, Shtetet e Bashkuara të Amerikës e kanë vënë theksin në transparencën që duhet të ketë procesi. Pak ditë më parë, ambasadorja amerikane në Tiranë Yuri Kim u takua me ministrin e Rindërtimit Arben Ahmetaj ku u theksua pikërisht ky element.
Lexo edhe:
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.