“Shtimi i prodhimit vendas dhe rritja e kursimeve”/ Si do të ndryshojë bota pas pandemisë – Komenti nga miliarderi Ray Dalio

Investitori miliarder Ray Dalio pret që pandemia e koronavirusit të ketë efekte gjithëpërfshirëse në vendimet financiare të njerëzve, përparësitë e investimeve të qeverive dhe tregtinë globale.

“Bota do të duket ndryshe”, tha themeluesi i Bridgewater Associates, fondi më i madh mbrojtës në botë, gjatë një interviste në LinkedIn Live.

Edhe pasi kërcënimi i koronavirusit të zbehet dhe bllokimet të tërhiqen, individët dhe kompanitë mund të jenë më të kujdesshëm me paratë e tyre, që të jenë më të përgatitur për të përgatitur krizën e ardhshme.

“Normat e kursimeve do të rriten,” parashikoi Dalio, “sepse të gjithë duan të sigurojnë veten e tyre “.

Autoritetet gjithashtu mund të adresojnë dobësitë në sistemin e tyre të kujdesit shëndetësor të ekspozuar nga koronavirusi. Për shembull, ata mund të investojnë në më shumë ventilatorë dhe shtretër për kujdesin kritik dhe të forcojnë furnizimin e tyre me maska ​​dhe pajisje të tjera mbrojtëse.

“Prioritetet do të ndryshojnë drejt kujdesit shëndetësor,” tha Dalio në intervistë.

“Tani do të kalojmë në një botë të vetë-mjaftueshme,” tha Dalio, pasi të dy, edhe individët edhe vendet kanë kuptuar se “të gjithë janë të prekshëm”.

“Statusi quo i zinxhirëve të furnizimit global mund të ndryshojë ndjeshëm”, shtoi ai.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.