Shtimi i shtrimeve në spital detyron Italinë të vendosë masa të reja karantine – Çfarë do të mbyllet?
Qeveria e Italisë pritet të njoftojë mbylljen e shkollave, restoranteve dhe dyqaneve në pjesën më të madhe të vendit pasi një valë e re e infeksioneve të koronavirusit vë spitalet nën presion.
Kryeministri, Mario Draghi, do të mbajë një takim kabineti të Premten për të vendosur kufizimet e reja për ekonominë e tretë më të madhe të zonës euro, e cila të enjten regjistroi pothuajse 26,000 raste të reja Covid-19 dhe 373 vdekje.
Më shumë se 100,000 njerëz me koronavirus kanë vdekur në Itali që kur epidemia përfshiu vendin një vit më parë, duke shkaktuar një bllokim disa mujor dhe recesionin më të keq që nga Lufta e Dytë Botërore.
Me variante të reja më ngjitëse, tani të përhapura, rajonet veriore më të populluara të Italisë, siç është Lombardia, e cila përfshin Milanon, thuhet se do të bashkohet me disa të tjera në klasifikimin si “zonat e kuqe” me rrezikun më të lartë nga e hëna, ashtu si Kalabria në jug.
Lazio, rajoni që përfshin Romën, gjithashtu mund të bashkohet me ta, megjithëse situata është e pasigurt.
Qeveria e re e Draghi shtrëngoi kufizimet për zonat e kuqe në fillim të këtij muaji për të përfshirë jo vetëm mbylljen e bareve, restoranteve, dyqaneve dhe shkollave të mesme, por edhe shkollave fillore. Banorëve u thuhet të qëndrojnë në shtëpi kur është e mundur.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.