Shtohen 43 mln Usd për rindërtimin. Qeveria i kalon 19 milionë dollarë Bashkisë Tiranë për projektet e banesave individuale
43 milionë dollar janë kaluar në fondin e rindërtimit për llogari të Bashkisë Tiranë dhe Fondit Shqiptar të zhvillimit. Në vendimin që mban datën 16 dhjetor 2020, Këshilli i Ministrave ka specifikuar se Bashkisë Tiranë i transferohet fondi në masën 1 900 048 153 lekë pa TVSH, në formën e transfertës së pakushtëzuar, për financimin e rindërtimit të banesave individuale, brenda dhe jashtë zonave të reja për zhvillim, ndërtimin dhe rikonstruksionin e infrastrukturës publike, si dhe çdo ndërhyrje tjetër, në funksion të rindërtimit të banesave individuale, jashtë zonave të reja për zhvillim. Ndërkohë që Fondit Shqiptar të Zhvillimit i shtohet shuma prej 2.4 miliardë lekësh, rreth 24 milionë dollar po për këtë qëllim.
Shtesa e fondit vjen në një çast kur projektet e rindërtimit po hyjnë gjithnjë e më shumë në fazën e zbatimit në terren.
Në total, rreth 400 milionë dollarë do të përdoren në total gjatë viteve 2021-2022 për rindërtimin e objekteve të dëmtuara nga tërmeti I 26 nëntorit. Televizioni Scan ka zbardhur planifikimet afatmesme buxhetore për dy vitet e ardhshme të Ministrisë së Financave.
Ne këtë kuadër, ne Buxhetin e Shtetit është parashikuar një fond per rindërtimin ne shumen 25 miliardë leke per vitin 2021 dhe 6 miliarde leke ne vitin 2022 (në total rreth 300 milionë dollarë), fond i cili pritet te akomodoje rikonstruksionin dhe ndërtimin e banesave te reja per te gjithë te prekurit nga tërmeti.
Gjithashtu, është planifikuar ne ketë kuadër dhe një hapësire prej 11 miliarde lekësh, afërisht 100 milionë dollar, ne kuadrin makroekonomik dhe fiskal ne pjesën e te ardhurave per te mundësuar përthithjen dhe përdorimin e te gjitha granteve dhe donacioneve qe u ben nga aktore te ndryshëm per këtë qellim.
Procesi i Rindërtimit është një proces i integruar zhvillimi i përberë nga pese programe, ne funksion te rindertimit pas tërmetit, përmirësimit te kushteve te jetesës dhe te shëndetit pas shpalljes se gjendjes se fatkeqësisë natyrore: Programi i zhvillimit te objekte ve te reja; Programi i ndërtimit te infrastrukturës publike; Programi I krijimit të Fondeve të Banesave; Programi i granteve të rindërtimit; dhe Programi i masave të rimëkëmbjes sociale dhe ekonomike.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.