Shtohen intensivisht kontrollet nga AKU – Mbi 800 inspektime dhe disa masa administrative në të gjithë vendin
Trupat inspektuese të AKU-së kanë shtuar kontrollet gjatë 24 orëve të fundit duke realizuar mbi 800 inspektime në garantim të sigurisë ushqimore dhe monitorime si pjesë e Taks-Forcës kundër përhapjes së Covid -19.
AKU bën me dije se në çdo monitorim kërkohet që nga bizneset të zbatohet me përpikëri protokolli I sigurisë kundër përhapjes së kësaj sëmundjeje.
Sipas njoftimit nga kontrollet e kryera janë dhëna masa administrative me paralajmërim, për mungesë të librezave shëndetësore, rinovim të analizave të ujit, planit DDD etj. ndërsa referuar Planit të Marrjes së Mostrave janë marrë 15 mostra qumështi dhe fruta-perime për kryerjen e analizave laboratorike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.