Shtohen kontrollet në rrugën Tiranë-Elbasan – Policia pezullon 13 patenta dhe gjobit me 300 mijë lekë 8 drejtues mjeti gjatë 24 orëve të fundit
Policia e Shtetit ka bërë me dije se po vijon kontrolli me Radar, për të parandaluar aksidentet rrugore që vijnë si pasojë e shpejtësisë mbi normat e lejuara, kryesisht në aksin Tiranë-Elbasan, ku prej orës 20:00 të ditës së premte e deri mëngjesin e së shtunës janë pezulluar 9 Leje Drejtimi, për shpejtësi që variojnë nga 148 deri në 167 km/h.
Sipas njoftimit gjithashtu janë vendosur dhe 8 masa për parakalime të gabuara dhe shpejtësi pa masë plotësuese pezullim patente dhe një masë me vlerë maksimale 300.000 lekë të vjetra për shpejtësi 148 km në orë dhe drejtuesi i mjetit ishte shtetas i huaj .
Policia njofton se ndërkohë që prej orës 22.00 po vijojnë kontrollet me drager në të gjitha rrugët e Tiranës ku deri në këto momente janë pezulluar 4 Leje Drejtimi për drejtim mjeti nën efektin e alkoolit që varion nga 0.29 mg/l deri në 0.41 mg/l.
Policia e Shtetit u bën apel qytetarëve të mos drejtojnë mjetin nën ndikimin e alkoolit apo në gjendje të dehur pasi në çdo rrugë ju pret drageri dhe policia.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.