Shtohet edhe më shumë misteri i objektit ‘alien’ te gjetur në shkretëtirë! Zhduket në mënyrë të papritur nga të panjohur
Monoliti misterioz i metalit që u gjet në shkretëtirën e Shteteve të Bashkuara që shkaktoi një lojë hipotezash ndërkombëtare se si kishte mbërritur aty, tashmë duket se është zhdukur.
Zyra për menaxhimin e territorit të Utah ka deklaruar se ka marrë raportime të besueshme sipas të cilave objekti është hequr nga të panjohur të premten ne darkë. Objekti në formën e një shtylle trekëndëshe 3 metra e gjysëm i lartë është konstatuar zyrtarisht me 18 nëntor nga funksionarët lokalë.
Ishin këta të fundit që refuzuan që të tregonin vendin e saktë të objektit që kishin gjetur nga frika se turistë kuriozë do të grumbulloheshin në tokën e shkretuar. Lajmi për zbulimin u bë viral shumë shpejt në internet dhe shumë kanë konstatuar se objekti kishte ngjashmëri të madhe me monolitin e filmit klasik fantashkencor të Stanley Kubrick të vitit 2001 ‘Odise në hapësirë’.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.