Shtrime rekord në spitale në SHBA – Varianti Delta godet rëndë. Limiton burimet mjekësore
Një numër tejet i lartë i pacientëve me Covid-19 ka mbushur spitalet në Shtetet e Bashkuara, duke limituar burimet mjekësore dhe sfiduar punonjësit e shëndetësisë, pasi varianti Delta ka rritur infeksionet në vend. Guvernatori i Luizianas, John Bel Edwards tha se numri i të shtruarve në spital ka arritur nivelin më të lartë që kur nisi pandemia. Të paktën 53 spitale në teksas kanë mbetur pa shtretër në njësitë e kujdesit intensiv, sipas qeverisë federale.
Të dhënat tregojnë se shtrimi në spital i pacientëve në të 30-at ka arritur rekord të ri, nxitur nga varianti delta. Norma në të cilën të rriturit në moshë 30-39 vjeç po shtrohen në spital ka arritur në 2.5 për 100,000, sipas të dhënave të fundit të CDC, në rritje nga 2 për 100,000 që ka qenë në Janar. Totali i rasteve në vend u rrit në 36.7 milionë dhe numri i vdekjeve kaloi 620,000. Që prej gillimit të gushtit, mbi 1.5 milionë raste të reja janë raportuar në SHBA.
Dejtori i Instituteve Kombëtare të Shëndetësisë, Francis Collins, tha se rastet me Covid në SHBA mund të kalojnë 200,000 në ditë, pasi infeksionet e reja nxitur nga varianti delta nuk kanë shenja të arritjes së një maje. Ai shprehu shqetësimet mbi rritjen e rasteve, duke thënë se rreth 90 milionë amerikanë nuk janë vaksinuar ndaj virusit tejet ngjitës dhe pritet të jenë viktima të infeksioneve në të ardhmen.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.