Shtyhet afati i aplikimit për fondet e skemës kombëtare të bujqësisë! Ministria shpjegon arsyet
Ministria e Bujqësisë njofton zgjatjen e afatit të aplikimit për masat e investimeve në skemën kombëtare të mbështetjes në bujqësi 2018. Referuar njoftimit të ministrisë, afati për aplikimin për masat e investimeve për përmirësimin e kushteve të sigurisë ushqimore, agroturizmin dhe programin e zhvillimit rural, investimit në fermë etj, shtyhet deri në datën 27 prill.
“Nga data 28 shkurt deri në datën 28 mars kanë aplikuar 5852 fermerë për 52 masat e investimeve dhe mbështetjes direkte në bujqësi dhe blegtori. Vihet re një rritje prej mbi 20% e numrit të aplikuesve në krahasim me vitet e kaluara, edhe falë thjeshtimit të gjithë burokracisë të nevojshme për të aplikuar. Fermerët sivjet kanë mundur të aplikojnë me 0 dokumenta dhe asnjë kosto në 36 pika asistence në të gjithë vendin kundrejt një dosje prej rreth 13 dokumentash që u është dashur të aplikojnë deri në vitin 2017” njofton ministria.
Sipas ministrisë, shtyrja e afatit është një masë për të garantuar të gjithë aplikantët potencial që kanë shprehur interes për masat e investimeve, të përfundojnë procesin e aplikimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.