Shtyhet afati i aplikimit për pozicionin e Drejtorit të Përgjithshëm të INSTAT. Kriteret dhe dokumentet që kërkohen
Këshilli i Ministrave ka shtyrë datën për aplikimet mbi pozicionin e Drejtorit të Përgjithshëm të INSTAT deri në datën 3 shkurt të këtij viti.
Sipas vendimit të publikuar, kjo shtyrje e afatit bëhet në mënyrë që gara të bëhet më konkurruese duke pranuar edhe më shumë aplikime.
Drejtori i Përgjithshëm i INSTAT-it emërohet nga Kuvendi, me propozimin e Këshillit të Ministrave, pas një procedure të hapur dhe publike përzgjedhëse.
Aplikantët që plotësojnë kriteret u nënshtrohen vlerësimit të jetëshkrimit dhe një interviste të strukturuar me gojë.
Data e shpalljes së listës së kandidatëve, që do të kualifikohen për fazën e intervistës, brenda datës 7 shkurt 2020.
Sipas thirrjes aplikantët duhet të plotësojnë këto kritere:
a) të jetë shtetas shqiptar;
b) të ketë zotësi të plotë për të vepruar;c) të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
ç) ndaj tij të mos jetë marrë masë disiplinore e largimit nga institucionet e administratës publike;
d) të ketë gradën shkencore “Doktor” në shkencat ekonomike ose ekzakte;
dh) të ketë përvojë pune për një periudhë jo më pak se 10 (dhjetë) vjet;
e) të zotërojë gjuhën angleze.
Ndërkohë, dokumentet që duhet të dorëzohen për këtë proces janë:
⦁ Kërkesë për aplikim;
⦁ Kopje të letërnjoftimit;
⦁ Curriculum Vitae në gjuhën shqipe;
⦁ Dokumente të diplomimit;
⦁ Dokumente që provojnë vjetërsinë në profesion dhe marrjen e gradës shkencore “Doktor” në shkencat ekonomike ose ekzakte;
– Certifikata e dokumente që provojnë përvojë pune dhe kualifikime në fushën e prodhimit dhe/ose të përdorimit të statistikave;
– Dokument që provon zotërimin e gjuhës angleze dhe gjuhëve të tjera të huaja
(nëse ka);
– Kopje të prezantimeve të punimeve në konferenca/simpoziume shkencore;
⦁ Formular të vetëdeklarimit për garantimin e integritetit të personave që zgjidhen, emërohen ose ushtrojnë funksione publike, në përputhje me ligjin nr.138/2015, të ndryshuar (të plotësuar e të firmosur);
⦁ Formular të aplikimit për informim, për zyrtarët përpara emërimit/zgjedhjes në poste të larta, në zbatim të ligjit nr.45/2015, “Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë” (të plotësuar e të firmosur);
⦁ Vetëdeklarim se nuk është larguar nga institucionet e administratës publike me masë disiplinore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.