Shtyhet gjendja e jashtëzakonshme! Ahmetaj: Bëhet fjale për jetë njerëzish, s’mund të rrezikojmë. Hajdari: Qeveria të japë shpjegime
Kuvendi ka miratuar mes debateve shtyrjen me dy muaj të gjendjes së jashtëzakonshme të shkaktuar prej Pandemisë Covid 19. Ministri i Shtetit për Rindërtimin, dhe përgjegjës për gjendjen e Pandemisë Arben Ahmetaj, argumentoi se rreziku është ende i madh dhe jetët e njerëzve janë shumë të shtrenjta.
Sipas tij, në momentin që ekonomia po hapet gradualisht, është shumë e rëndësishme që kontrolli mbi përhapjen e infeksionit të jetë maksimal.
Ndërkohë që disa prej deputetëve të opozitës e konsideruan të tepruar zgjatjen me dy muaj të gjendjes së jashtëzakonshme, duke kërkuar nga Qeveria shpjegime të qarta e të argumentuara për vendimet lidhur me përballimin e Pandemisë.
Kuvendi votoi të enjten 12 çështje, mes të cilave vetëm njëra kishte të bënte me Pandeminë, ndërkohë që deputetët e opozitës kërkuan më shumë kohë në foltore nga sa u jepet për shkak të kufizimeve.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.