Shufra ari të braktisura në tren – Autoritetet zvicerane në kërkim të pronarit
Policia zvicerane është në kërkim të një ‘personi harrues’ që la diçka mjaft të rëndësishme në një tren, një pako plot me shufra ari, me vlerën e më shumë se 190,000 dollarëve.
Pakoja që përmbante shufrat e arit u gjet në vagonin e një treni Federal Hekurudhor që udhëtonte nga qyteti verilindor i Zvicrës, St Gallen për në Luzern, një qytet në qendër të vendit, në tetor të vitit të kaluar, thanë autoritetet.
Përkundër “hetimeve të gjera”, pronari i pakos me vlerë të lartë nuk ishte gjetur, zyrtarët thanë në një deklaratë të botuar në gazetën e qeverisë lokale Lucerne Canton.
Pasi autoritetet nuk arritën të gjurmojnë pronarin e ngarkesës së çmuar, shufrat e arit, me vlerë 182,000 franga zvicerane, u konfiskuan nga zyra e prokurorit publik.
Tani, autoritetet kanë vendosur të bëjnë publike përpjekjen e tyre për të gjetur pronarin misterioz të shufrave.
Në një buletin të datës 2 qershor, zyrtarët thanë që pronari ka pesë vjet për të bërë një kërkesë për thesarin.
Një zëdhënës i prokurorisë i tha CNN se ishin bërë disa pyetje në lidhje me arin dhe ishin duke kontrolluar. Nuk u dhanë detaje për natyrën e kontrolleve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.