“Më shumë të ardhura në arkën e shtetit” – Greqia pritet të legalizojë lojërat e fatit online

Parlamenti grek ka vendosur të votojë këtë javë për një projekt-ligj që përfshin masa për legalizimin dhe rregullimin e aktiviteteve online të basteve dhe lojërave.

Projektligji synon të sigurojë të ardhura shumë të nevojshme në arkën e vendit, duke krijuar vende të reja pune dhe duke parandaluar operatorët ilegalë që synojnë lojtarët lokalë.

Kamil Ziegler, drejtori ekzekutiv i OPAP-it, operatorit më të madh të kumarit në vend, pretendon se operatorët e palicencuar mbledhin nga 300 milionë deri në 500 milionë euro në vit nga lojtarët grekë.

Projektligji, i cili do të shkoj në Kuvend për t’u votuar, përfshin një studim të përbërë nga firma kërkimore Deloitte, e cila pretendon se të ardhurat nga tatimi prej rreth 1 miliard euro do të mund të gjeneroheshin për arkat e vendit brenda katër viteve të ardhshme, nëse ligji do të votohet.

Komisioni Grek i Lojërave njoftoi se kishte kapur më shumë se 5 milionë euro të ardhura të paligjshme të lojërave të fatit në periudhën 2005-2015 dhe kishte regjistruar më shumë se 18,000 shkelje të ligjeve kombëtare të lojërave të fatit.

Nisma për rregullimin e lojërave të fatit në internet dhe nisjen e rishikimit të kësaj industrie iniciohet nga Ministri e Financave.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.