Si do lëvizin bizneset nga java tjetër(Procedurat). Për pensionistët: “Mund të dilni me këto kushte”
Kreu i qeverisë tha se nga java e ardhshme çdo qytetar do të mund të dalë me makinë personale për të shkuar dhe për të ardhur nga puna, vetëm nëpërmjet një leje në e-albania duke hequr kështu autorizimet që deri më tani merreshin edhe në polici.
Rama tha se do të lejohet vetëm një person tjetër pasagjer që duhet të jetë patjetër koleg i së njëjtës punë. Ai shpjegoi edhe mënyrën se si duhet të ulen në makinë.
“Javën e ardhshme në platformën e-albania do të merret autorizim javor për ata që janë në punët e lejuara dhe automjeti mund të lëvizë për vajtje ardhje në punë me vetëm një person në sedilejn e pasme diagonal i cili mund të jetë vetëm një koleg në të njëjtin vend pune. Kush merr leje duhet ta lexojë mirë pasojën penale që vjen. Ne do të bëjmë që nesër, mbase që sot mbasdite, një test dhe do të provojmë mirëfunksionimin e këtij instrumenti që i jep fund një faze në policinë e shtetit, me e-mail ku për shkak të shtrëngesave dhe kujdesit ka pasur masivisht refuzime, edhe mospërgjigje që kanë shkaktuar dhimbje koke. Ndjesë për to, por shëndeti mbi të gjitha”, tha Rama.
Kryeministri u shpreh edhe për lëvizjet me automjete private për urgjencat shëndetësore:
“Po ashtu javën e ardhshme do të autorizojmë lëvizjen me automjet për arsye shëndetësore, duke parë që shpesh, unë personalisht apo të tjerë kemi ndeshur në ankesa legjitime, por autorizimi duhet të mbështetet te një dokument shëndetësor. Por duhet të lexoni mirë pasojën penale”
Në komunikimn me qytetarët, shefi i qeverisë pati edhe një thirrje për pensionistët, për të cilët u shpreh se do të lejohen të lëvizin, por vetëm për ajrosje:
“Nesër pensionistët do të mund të dalin, jo për vizita as për domino, as për ulje në grup, por për ajrore, por për ecje deri në orën 11:00 paradite, jo më shumë se një tjetër pensionist, por duke ruajtur distancën” tha Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.