Si do ndahen 2 mld lekë për studentët? – Rimbursim për ata që kanë paguar tarifën, procedura e përfitimit

Studentëve të ciklit të parë të studimeve që kanë paguar tarifën shkollore për këtë vit akademik do t’u kthehen paratë, sipas kategorive përkatëse, kur për ekselentët është në masën 100 për qind dhe për pjesën tjetër në masën 50 për qind.

Kusht është që studentët me mesatare 9-10 të kenë paguar tarifën e ciklit paraardhës. Bordet e administrimit do të shpallin listat. Në total, përfitues janë rreth 76 mijë studentë.

Po ashtu, studentët ekselentë dhe ata që vijnë nga familje në nevojë do të përfitojnë bursë mujore në masën 10 mijë lekë.

Ministri i Financave, Arben Ahmetaj u ka bërë apel bordeve të administrimit të punojnë 24 për të vënë në dispozicion listat e studentëve përfitues, ndërsa u ka kërkuar këshillave bashkiakë të qëndrojnë larg shpërndarjes së bursave.

Fatura në total shkon në 2 miliardë lekë, ndërsa parashikohet edhe përgjysmim tarife në godinat e parikonstrukturuara.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.