Si do ta ndryshojë 5G tregun e telekomunikacioneve?

Çdo pesë deri në dhjetë vjet industria e telekomunikacionit prezanton një brez të ri teknologjie i cili duket se premton të ndryshojë gjithçka. Megjithatë, këtë herë mund të jetë e vërtetë. Nëse ekspertët kanë të drejtë, standardi i ri, i njohur si 5G, mund të ketë të njëjtën ndikim si shtypi, energjia elektrike, motorët e avullit, telegrafi dhe interneti.

Ndër industritë që duken se do të ndryshojnë nga 5G është dhe vetë sektori celular. Gjigandët e internetit nuk e rindërtojnë rrjetin nga zero çdo pesë deri në dhjetë vjet, por industria e telekomit ka bërë pikërisht këtë, një proces të shtrenjtë dhe të gjatë që kërkon tarifat e licencimit, lejet rregullatore për instalimin e pajisjeve, blerjen dhe mirëmbajtjen. Kompanitë europiane të telefonisë celulare shpenzuan 129 miliardë dollarë për licencat mobile 3G në vitin 2000 vetëm për të hedhur poshtë miliarda më shumë pak vite më vonë për licencat dhe pajisjet 4G. Kostoja e ndërtimit të rrjeteve 5G në Europë konsiderohet të jetë rreth 56.6 miliardë dollarë, sipas raportit të përgatitur nga Komisioni Europian. Gjithashtu, parashikohet se nuk do të ketë një 6G.

Cila është rëndësia e teknologjisë 5G në ekonominë globale?

Raporti nga grupi i kërkimit IHS Markit and Berkeley parashikon që deri në vitin 2035, 5G do të krijojë 22 milionë vende të reja pune në nivel global, 3.5 miliardë dollarë në aktivitetin e drejtpërdrejtë ekonomik dhe do të nxisë rritjen e qëndrueshme afatgjatë në PPB reale globale. Nga 2020 në 2035, kontributi i përgjithshëm i 5G ndaj PBB-së reale globale do të jetë i barabartë me një ekonomi në madhësinë e Indisë.

Investime të mëdha në 5G do të bëhen në Europë dhe  pritet të kenë ndikime në të gjithë ekonominë europiane, potencialisht duke gjeneruar 141.8 miliardë euro të ardhura të reja në të gjithë BE-në dhe duke krijuar 2.39 milionë vende pune.

Pra, pse do të jetë kaq i ndryshëm 5G?

Ndryshe nga teknologjitë celulare të miratuara deri më sot, 5G pritet të transformojë rrënjësisht sektorin publik dhe industrial të ekonomive. 5G mund të mundësojë rreth 4.6% të prodhimit real global në 2035, megjithëse pritshmëria e saj nga industria pritet të ndryshojë. Më i dukshmi, është se 5G mund të mundësojë 6.5% të shërbimit publik dhe 6.4% të prodhimit bujqësor deri në vitin 2035.

5G pritet gjithashtu të ndihmojë në hyrjen e veturave autonome dhe përdorimin më të gjerë të kontrollit të dronëve. Ata gjithashtu do të vendosen në aplikimet bujqësore dhe të minierave duke filluar nga mbikëqyrja e resurseve të largëta natyrore në transportin autonom të metaleve ose mineraleve të vlefshëm tek traktorët vetë-ngarje. 5G do të ndihmojë automatizimin industrial duke mundësuar dhe përmirësuar kontrollin kritik të robotikës së linjës së prodhimit, duke përfshirë robotët e lidhur ose të palidhur që mund të kontrollohen, monitorohen dhe rikonfigurohen në distancë, duke e bërë prodhimin më efikas.

Kapacitetet e të dhënave 5G parashikohen të ofrojnë 8.1 miliardë euro në përfitimet e kongjestionit, aksidentit dhe zvogëlimit të ndotjes për qytetet e zgjuara në Europë deri në vitin 2025.

Sidoqoftë, nëse analistët kanë të drejtë, 5G do të bëhet i nevojshëm për çdo shtet, qytet apo kompani që dëshiron të fitojë shpejtësinë, hapësirën dhe shkallën për të marrë pjesë në Revolucionin e katërt industrial.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.