Si do të jetë kjo fundjavë?! – SHMU: Mot i ndryshueshëm, vranësira dhe kthjellime në të gjithë vendin
Shërbimi Meteorologjik Ushtarak njofton se moti në fundjavën që presim do të jetë i ndryshueshëm pasi ditën e shtunë do të karakterizohet nga vranësira e reshje shiu të pakta deri në mesditë të cilat në zonat jugore do të mbeten të izoluara deri në orët e pasdites dhe më tej vranësirat do ti lenë vendin kthjellimeve.
Sipas njoftimit prej së dielës paradite do të vijë dendësim i vranësirave dhe në orët e mesditës reshjet shiut do të përfshijnë pjesën veriore e qendrore dhe gradualisht do të fitojnë intensitet të lartë në të gjithë bregdetin, veriperëndimin e jugperëndimin ndërsa reshjet parashikohen në formën e shtrëngatave me rrufe dhe dëbora do të prekë alpet si dhe gradualisht me rënien e temperaturave edhe zonat e tjera malore.
SHMU informon se era do të fryjë kryesisht nga kuadrati i jugut me shpejtësi 5 deri 10m/sek ndërsa gjatë mesditës së të dielës do të fitojë forcë 16 deri 20 m/sek përgjatë bregdetit e në momentet me shtrëngata duke u shoqëruar me valëzim të forcës 4.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.