Si do të jetë koha gjatë fundjavës? – Shërbimi Meteorologjik: Temperatura të larta, reshje shiu dhe vranësira lokale
Shërbimi Meteorologjik vendas ka publikuar parashikimin e motit për fundjavën gjatë të cilës do të ketë diell dhe temperatura të larta për adhuruesit e plazhit dhe për ata që tashmë nisin pushimet e verës.
Sipas njoftimit dita e Shtunë dhe e Diel do të mbizotërojë moti i kthjellët në të gjithë territorin ndërsa vranësirat do të jenë kalimtare në zonat malore. SHM bën me dije se këto vranësira do të shoqërohen me reshje shiu të karakterit lokal në formë shtrëngatash afatshkurtër.
Sipas SHM është për tu theksuar fakti se përveç temperaturave të larta ato do të ndihen akoma dhe më shumë për shkak të lagështirës së lartë në ajër ndërsa era do të fryjë me drejtim nga kuadrati i veriut me shpejtësi deri në 8m/s.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.