Si do të jetë moti gjatë kësaj jave? – SHMU: na presin ditë të ftohta, të thata dhe erëra të forta!
SHMU njofton se për ditën e Hënë dhe atë të Martë vendi ynë do të jetë nën ndikimin e kushteve atmosferike të paqëndrueshme ndërsa moti parashikohet me vranësira mesatare dhe të dendura por nuk do të mungojnë intervalet me diell.
Sipas njoftimit do të ketë edhe reshje shiu të herëpashershme me intensitet të ulët e lokalisht mesatar në formë shtrëngatash ndërsa në relievet malore në veri mbi 300 metër dhe juglindje mbi 800 metër do të ketë reshje dëbore me intensitet të ulët e lokalisht mesatar.
Sipas informacionit të publikuar duke filluar nga dita e Mërkurë deri dhe në fund të javës (dita e Premte) vendi do të ndikohet nga masa ajrore të thata, të qëndrueshme dhe të ftohta dhe moti parashikohet i kthjellët në të gjithë territorin si dhe me temperatura negative në vlerat e mëngjesit.
SHMU informon se vlen për tu theksuar se deri ditën e Enjte në orët e pasdites parashikohet erë tepër e fortë dhe intensive me drejtim kryesor nga kuadrati i veriut dhe shpejtësi që arrin deri në 20-25m/s! Era më tepër e fortë përgjatë vijës bregdetare dhe zonat luginore e më pas do të humbasë intensitet.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.