Si do të jetë moti gjatë kësaj jave?! – SHMU: Vranësira dhe intervale të paqëndrueshme kthjellimesh

Shërbimi Meteorologjik Ushtarak njofton se java do të nisë me mot të qëndrueshëm me diell e vranësira hera herës mesatare e lokalisht të dendura por prej ditës së martë e deri ditën e enjte vendi do të jetë në ndikim të kalimeve frontale dhe kështu moti parashikohet kryesisht i vranët e hera herës me intervale kthjellimesh.

Sipas njoftimit reshjet e shiut do të jenë të pranishme në intensitet të ulët e ndërsa të mërkurën në pjesën bregdetare e në veriperëndim edhe në formën e shtrëngatave me rrufe ndërsa dëbora do të rikthehet në male në verilindje dhe prej së enjtes pasdite situata vjen në përmirësim.

SHMU njofton se era do të fryjë nga juglindja e të mërkurën në mesditë kthen nga veriperëndimi mesatare e përkohësisht e vrullshme përgjatë brigjeve detare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.