Si do të jetë moti këtë fundjavë? – SHM: Nga e Shtuna nis përkeqësimi gradual i situatës meteorologjike

Sipas Shërbimit Meteorologjik vendas në vijim të ditëve me mot të nxehtë dhe të kthjellët edhe për ditën e premte parashikohet që vendi ynë të ndikohet nga kushte të qëndrueshme atmosferike. Sipas njoftimit moti do të jetë i kthjellët por nuk do të mungojnë vranësirat kalimtare në relievet malore në lindje shoqëruar me reshje shiu në formë pikash.

“Por gradualisht nga dita e Shtunë nis përkeqësimi gradual i situatës së parashikuar meteorologjike. Moti pritet të nis me kthjellime por gradualisht shtim vranësirash mesatare deri të dendura, por përjashtuar këtu vijën bregdetare dhe një pjesë të ultësirës perëndimore,” bën me dije SHM.

SHM njofton se në zonat kodrinore – malore do të ketë reshje shiu të herëpashershme me intensitet të ulët dhe mesatar në formën e stuhive dhe shtrëngatave dhe lokalisht nuk përjashtohen rrebeshet afatshkurtër me breshër ndërsa përgjatë vijës bregdetare dhe një pjesë të ultësirës perëndimore reshjet do të jenë lokale, afatshkurtra dhe në formë pikash.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.