Si do të jetë moti këtë fundjavë?! – SHMU: Vranësira, reshje të lehta shiu dhe alternime kthjellimesh
Shërbimi Meteorologjik Ushtarak ka publikuar parashikimin e motit për këtë fundjavë ku dita e shtunë do të nisë me mot të vranët e reshje shiu me intensitet të ulët në pjesën më të madhe të vendit.
Sipas njoftimit gjatë ditës gradualisht vranësirat do të përçahen duke i lënë vendin kthjellimeve, reshjet e shiut do të mbeten prezente të herëpashershme me intensitet të ulët të karakterit lokal deri në orët e pasdites më pas ndërpriten ndërsa në lartësinë mbi 800 metra ne veri-verilindje dhe në lartësinë mbi 1100 metra në juglindje reshje të dobëta bore.
SHMU njofton se dita e diel parashikohet të ketë mot me alternime kthjellimesh dhe vranësira këto më të përqendruara përgjatë relieveve malore. Në jug-juglindje vranësirat do të pasohen nga reshje lokale shiu në orët e pasdites ndërsa era parashikohet nga kuadrati i veriut me shpejtësi mesatare 1-6m/sek, e cila hera-herës përgjatë vijës bregdetare fiton shpejtësi deri në 10-12m/sek. Deti i forcë 1-2 ballë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.