Si do të jetë moti këtë javë?! – SHMU: Bien temperaturat e larta të mesditës. Nuk do të mungojnë reshjet lokale
Shërbimi Meteorologjik ushtarak njofton se kjo javë parashikohet të jetë një tjetër javë me mot kryesisht të kthjellët por gradualisht temperaturat në vlerat e mesditës bien dhe nuk do të mungojnë edhe reshjet e shiut.
Sipas njoftimit dita e Hënë dhe ajo e Martë parashikohen me mot të kthjellët si dhe vranësira të pakta kalimtare në orët e mesditës në relievet malore ndërsa për ditën e Mërkurë moti parashikohet kryesisht i kthjellët por nuk do të mungojnë alternimet e vranësirave hera-herës deri dhe të dendura.
SHMU bën me dije se në zonën e veriut (kryesisht zonën e Alpeve dhe verilindje) do të ketë reshje shiu me intensitet deri mesatar por reshje shiu të dobëta dhe të izoluara parashikohen edhe në relievet e tjera malore të vendit.
Sipas informacionit të publikuar java mbyllet me ditën e Enjte dhe atë të Premte me mot të kthjellët si dhe vranësirat e pakta kalimtare kryesisht përgjatë relieveve kodrinore dhe ato malore të vendit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.