Si do të jetë moti?! – Masa ajrore të nxehta nga shkretëtira e Saharasë me grimca pluhuri e rëre
Shërbimi Meteorologjik Ushtarak njofton se vendi ynë vijon të jetë nën ndikimin e masave ajrore të nxehta me origjinë nga Afrika e Veriut. Dhe për pasojë, edhe për ditën e enjte moti parashikohet i kthjellët dhe i nxehtë.
Sipas njoftimit për shkak të origjinës së masave ajrore nga shkretëtira e Saharës parashikohet që cilësia e ajrit të jetë e dobët si pasojë e sasisë së lartë të grimcave të pluhurit dhe rërës.
SHMU bën me dije se era parashikohet të fryjë me drejtim kryesor nga kuadrati i veriut me shpejtësi mesatare 1-7m/sek, e hera-herës në mesditë përgjatë vijës bregdetare dhe zonave luginore fiton shpejtësi deri në 10-12m/sek.
Temperaturat parashikohen:
- zonat malore 19°C deri në 36°C
- zonat e ulëta 19°C deri në 40°C
- zonat bregdetare 19°C deri në 38°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.