Si do të jetë moti në prag të fundjavës?! – SHMU: Reshje shiu të lokalizuara dhe erëra të forta në të gjithë vendin

Shërbimi Meteorologjik Ushtarak njofton se dita e premte do të nisë me reshje shiu të herëpashershme  e prej orëve të paradites reshjet në veri e qendër të vendit do të ndërpriten për ti lënë vendin kthjellimeve ndërsa reshjet e shiut do të mbeten të lokalizuara në zonat malore dhe në jug.

Sipas informacionit era do të fryjë me drejtim juglindje-verilindje 2-8m/s ndërsa përgjatë vijës bregdetare dhe zonat luginore fiton intensitet deri në 12-15m/s, duke sjellë valëzim të forcës 4.

Temperaturat parashikohen:

• në zonat malore 10°C deri në 17°C
• në zonat e ulëta 15°C deri në 25°C
• në zonat bregdetare 15°C deri në 24°C.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.