Si do të jetë standardi i ri i vaksinimit? – Fauci: Tre doza, kujdesi optimal. Por, përcaktimi zyrtar do të vazhdojë me dy

Tre doza të vaksinës së Covid-19 përbëjnë kujdesin optimal, por 2 doza të vaksinës së Pfizer/BioNtech, Moderna, apo të Johnson & Johnson, qëndrojnë përcaktimi zyrtar i qeverisë për vaksinim të plotë, sipas ekspertit kryesor të sëmundjeve infektive,  Anthony Fauci.   Autoritetet shëndetësore do të vazhdojnë të vlerësojnë se çfarë do të zëvëndësojë emërtimin zyrtar, sipas Fauci, që është drejtor i Institutit Kombëtar të Alergjisë dhe Sëmundjeve Infektive, si dhe këshilluesi kryesor i presidentit Joe Biden.

Ndërsa pyetej nëse 3 doza mund të jenë standardi i ri i kujdesit, fauci tha se mendon që është kujdesi optimal.  “Në lidhje me kërkesat zyrtare, është ende 2 doza të vaksinës me mARN, dhe një dozë e J&J. Por mendoj se nëse shikoni të dhënat, bëhet gjithnjë e më e qartë se nëse doni të jeni të mbrojtur në mënyrë optimale, duhet të merrni dozë nxitëse”- tha Fauci.  Sipas tij, do të duhen disa muaj për të vlerësuar nëse do të nevojiten doza nxitëse vjetore të vaksinës.  Megjithatë, ai shtoi se shpreson që në një pikëpamje imunologjike, 1 dozë do të jetë mjaftueshëm për të ofruar mbrojtjte për më shumë se 6 muaj që ofron vaksina fillestare.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.