Si do të nxisë Tajlanda rritjen ekonomike? – Masat e ndërmarra dhe ndikimi tek shtetet e tjera

Ngërçi politik në Tajlandë është duke bërë që junta (organi qeverisës) të vlerësojë masat për të mbështetur rritjen e ngadalësuar të vendit.

Ministri i Financave Apisak Tantivorawong tha se ministria po shqyrtonte hapat për të futur më shumë se 629 milionë dollarë stimul në ekonominë e dytë më të madhe të Azisë Juglindore. Rritja mund të ngadalësohet në intervalin e ulët prej 3 për qind në tremujorët e parë dhe të dytë. “Ne duam që masat të jenë efektive gjatë tremujorit të dytë dhe të tretë, në mënyrë që të sigurohemi që ekonomia nuk do të ulet kur të vijë qeveria e re”, -tha ai.

Partitë pro-ushtarake dhe anti-junta po përpiqen të formojnë një qeveri pas zgjedhjeve të përgjithshme të diskutueshme dhe jo bindëse në mars, pas pothuajse pesë viteve të sundimit ushtarak. Banka qendrore paralajmëroi se ekonomia mund të ndikohet nëse procesi i formimit të administratës së ardhshme zvarritet në gusht ose më vonë. “Një vonesë e tillë mund të ndikojë në zbatimin e buxhetit kombëtar, projekteve të sektorit publik dhe vendimeve të investimeve të sektorit privat” -tha Guvernatori i Bankës së Tailandës Veerathai Santiprabhob.

“Parashikimi i bankës qendrore për rritjen e prodhimit të brendshëm bruto prej 3.8 për qind në 2019, afër potencialit të vendit prej rreth 4 për qind, supozon se qeveria është në fuqi deri në qershor. Është shumë herët për të ulur mundësinë e rritjes së normës së interesit” -shtoi ai.  Tajlanda është një ndër ekonomitë që ndër vepron më shumë me shtetet e tjera kështu që një rritje ekonomike e saj do të ndikoje normalisht edhe në eksport-importet.

Burimi:Bloomberg

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.