Si duhet të ushqehemi sipas grupit tonë të gjakut?- Ja disa dieta për secilin grup
Dr. Peter J. D’Adamo, zhvilloi teorinë se njerëzit me lloje të ndryshme të gjakut nuk mund të hanë ushqim të njejtë. Ai besonte se kjo do të nxisë sistemin imunitar, do të ndihmojë në kontrollin e peshës dhe efektet e plakjes, si dhe do të luftojë sëmundjet kardiovaskulare, kancerin, diabetin dhe çrregullimet e mëlçisë. Këtu janë disa këshilla për çdo lloj gjaku.
Ata me llojin e gjakut A duhet të mbajnë një dietë vegjetariane të përbërë nga fruta dhe perime. Kjo është kryesisht për shkak se ky lloj gjaku është shfaqur pas zbulimit të bujqësisë. Tërshëra është e rekomanduar për ata me llojin e gjakut A. Përfitimi kryesor është përmbajtja e tyre e lartë e fibrës. Përveç kësaj, tërshëra zvogëlon rrezikun e sëmundjeve koronare.
Së dyti, renditen thjerrëzat, një ushqim i përkryer për vegjetarianët, thjerrëzat janë të pasura me proteina dhe minerale, duke lejuar një dietë të ekuilibruar pa ngrënë mish. Me një përmbajtje të lartë në omega-3 dhe vitaminë B12, që do të thotë se ata me llojin e gjakut A duhet ta përfshijnë këtë ushqim në dietën e tyre.
Cilësitë antioksiduese të luleshtrydheve i bëjnë ato një ushqim thelbësor për ata me llojin e gjakut A. Pasi, ata me llojin e gjakut A duhet të mbajnë një dietë vegjetariane, të gjitha llojet e mishit dhe prodhimeve të qumështit duhet të shmangen. Perime të caktuara nuk janë të rekomanduara, si patëllxhani, sepse është veçanërisht i prirur për thithjen e metaleve të rënda kur mbulohet me pesticide ose ujërat e zeza.
Gjithashtu, personat me grup gjaku A, duhet të shmangin gaforren dhe karkalecat e detit, të cilat janë të larta në yndyrë. Pavarësisht nga fakti nëse patatet janë të pjekura, janë të përfshira në një sallatë, apo thjesht janë të skuqura, ata persona me llojin e gjakut A nuk duhet të përfshijnë pataten në dietën e tyre.
Ndryshe nga njerëzit me grupin e gjakut A, njerëzit me grupin e gjakut B, duhet të ndjekin një dietë mishngrënëse. Edhe pse shpesh u jepet një reputacion i keq, mishi i kuq ka disa cilësi të mira dhe rekomandohet për ata me llojin e gjakut B. Në veçanti, është e pasur me vitamina B3, B12 dhe B6.
Megjithëse janë shumë të yndyrshëm për disa, produktet e qumështit përmbajnë nivele të larta të kalciumit, e cila është ideale për ata me llojin e gjakut B. Gjithashtu, personat me grup gjaku B, duhet të përfshijnë në dietën e tyre, fibrat, vitaminën C, perimet e gjelbra të tilla si spinaqi dhe brokoli, si dhe vezët. Studimet kanë treguar se vezët janë thelbësore për zhvillimin e funksionit të trurit dhe kujtesës. Ata me llojin e gjakut B janë me fat që ata mund t’i përfshijnë ato në dietën e tyre.
Megjithëse rekomandohet një dietë e rëndë, me mishin e përfshirë, duhet theksuar se personat me grup gjaku B, duhet të shmangin pulën, gjelin e detit dhe rosën. Hani sa më shumë perime të gjelbra të jetë e mundur, duke shmangur perime si rrepa, edhe pse janë të larta në kalium, vitaminë C dhe kalcium.
Ndërsa, për personat me grup gjaku 0, rekomandohet një dietë me bazë peshku, pasi këta persona kërkojnë një dietë të pasur me omega-3. Trofta përmban shumë omega-3, pasi ushqimi i këtij peshku zvogëlon rrezikun e sëmundjeve koronare, depresionit dhe Alzheimer. Pa dyshim, bananet kanë nivelin më të lartë të kaliumit dhe janë të njohura për sigurimin e energjisë, për njerëzit aktivë. Këta persona me llojin e gjakut 0 duhet të përpiqen të hanë shumë lakra, një nga ushqimet më të mira të luftimit të kancerit. Është gjithashtu shumë efektive në kontrollin e peshës trupore.
Përsa i përket listës së ushqimeve ‘të ndaluara’, mund të përmendim vezët si dhe avokadon, pasi ato janë veçanërisht të larta në yndyrë. Edhe pse mishi i kuq shpesh merr një reputacion të keq, rekomandohet qengji për ata me tip gjakun AB.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.