Si e ndau paketën 170 mln euro qeveria e Kosovës? Veç pensionistëve e bizneseve, pagë për punonjësit e marketeve e furrave të bukës

Qeveria e Kosovës ka miratuar një paketë financiare prej 170 milionë euro për të ndihmuar bizneset dhe familjet për t’u përballur me emergjencën e krijuar nga COVID-19.

Paketa parashikon mbështetje për stafin mjekësor, policinë e zjarrfikësit. Po ashtu, në listë janë edhe punonjësit e marketeve ushqimore, furrave të bukës dhe farmacive. Jashtë vëmendjes nuk janë lënë as bujqësia dhe eksportuesit.

Si ndahet paketa financiare e qeverisë së Kosovës:

-300 euro page shtese për dy muaj, për të gjithë stafin mjekësor, të policisë dhe zjarrfikësve (15 milion euro ndihmesë në total)

-100 euro page shtesë për dy muaj për të gjithë punonjësit e marketeve ushqimore, furrave dhe farmacive (3 milion euro ndihmesë në total)

-5 milion euro grante për bujqësi

-5 milion euro subvencione për shoqatat sportive e kulturore

-10 milion euro në mbështetje të eksportuesve

-3 muaj përfitime shtesë për mbi 98,000 qytetare në skema sociale (7.6 milionë euro ndihmesë në total)

-3 muaj përfitime shtesë për pensionistet që marrin nën 100 euro në muaj (13 milion euro ndihmese në total)

-Mbulimin e një pjese të shpenzimeve për bizneset që kanë pësuar humbje si rezultat i vendimeve qeveritare (170 euro për paga, pagesa e kontributeve pensionale të punëtoreve, si dhe deri në 50% kompensim të qirasë, të gjitha këto për dy muaj)

-130 euro asistence mujore për 3 muaj për të gjithë punëtorët që humbin punën gjatë kësaj periudhe

-Likuiditet i përkohshëm për kompanitë që kanë pësuar rënie në të hyrat e rregullta (ndërmarrjet publike që ofrojnë shërbime komunale apo ato private që ofrojnë shërbime bazike). 20 milion euro që mund të alokohen, me 0% interes deri në fund të vitit 2020

-Financim shtesë deri në 10 milion euro për komunat me të prekura

-2 milion euro për iniciativa dhe projekte për përmirësimin e kushteve të minoriteteve

-15 milion euro të gatshme për të mbuluar koston e kredisë për likuiditet shtese për mikro-kompanitë dhe te vetpunësuarit.

𝐍𝐞̈ 𝐭𝐨𝐭𝐚𝐥 𝟏𝟕𝟎.𝟔 𝐦𝐢𝐥𝐢𝐨𝐧𝐞̈ 𝐞𝐮𝐫𝐨 𝐧𝐞̈ 𝐯𝐥𝐞𝐫𝐞̈ 𝐭𝐞̈ 𝐩𝐚𝐤𝐨𝐬 𝐩𝐞̈𝐫 𝐧𝐝𝐢𝐡𝐦𝐞̈ 𝐞𝐦𝐞𝐫𝐠𝐣𝐞𝐧𝐭𝐞.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.