Si e zëvendësuan pagesat nëpërmjet telefonit paranë “cash” në Kinë?

Pagesat me anë të telefonit nuk janë më një risi në Kinë në ditët e sotme, por pagimi me të holla po.

Gjatë 15 viteve të fundit pagesat me anë të telefonit në Kinë janë rritur në një treg prej 16 trilionë dollarësh të dominuar nga dy gjigandët më të mëdhenj të teknologjisë në Kinë, Tencent dhe Alibaba.

Aplikacionet konkurruese të pagesave mobile të Tencent dhe Alibaba – WeChat Pay dhe AliPay, përkatësisht,  përdoren nga të gjithë në Kinë, duke filluar nga restorantet e shtrenjta e luksoze, dyqanet bukura deri tek shitësit e rrugëve, shoferët e taksive dhe madje edhe tek disa lypës.

Është e qartë se pagesat me anë të telefonit kanë nisur në Kinë në një mënyrë që ende nuk ka arritur në Evropë apo SHBA dhe është joshëse të mendohet se kjo ka ndodhur meqenëse Kina është shumë përpara nga ana teknologjike por në fakt realiteti është se kjo ka ndodhur për shkak të infrastrukturës jo të mirë që ajo ka.

Kartat e kreditit nuk ishin kurrë të njohura në Kinë, kryesisht për shkak të opsioneve të dobëta, qëndrimeve kulturore rreth borxhit dhe, deri vonë, mungesës së të ardhurave të disponueshme. Ndërkohë, bankat shtetërore të Kinës janë me të vërtetë të vështira për t’u marrë me to.

Kur AliPay filloi në vitin 2004 si një shërbim ruajtës midis blerësve dhe shitësve në Taobao, platforma masivisht e popullarizuar e e-commerce, Alibaba siguroi një shtresë shumë të nevojshme sigurie dhe besimi.

Dhe në momëntin  që u zhvillua në një shërbim i pagesave në celular gjatë viteve të fundit, ata kishin krijuar një bazë të madhe përdoruesish.

Krahasuar me nënshkrimin për një kartë krediti ose përdorimin e bankave shtetërore, AliPay ishte pafundësisht më “user-friendly”.

Ndërkohë, ËeChat Pay është një funksion brenda ËeChat, aplikacionin e mesazheve të Tencent që përdoret nga më shumë se 1 miliard njerëz. Ai ka qenë aplikacioni më popullor i Kinës për disa kohë.

Funksioni i pagesave u nis në 2014 gjatë Vitit të Ri Lunar, kur në Kinë është dhe zakoni ku i jep miqve dhe familjes një zarf të kuq me para të gatshme.

Tencent krijoi opsionin e ri i cili i lejonte përdoruesit e WeChat që t’i dhuronin zarfet e kuqe në mënyrë digjitale miqve dhe të afërmve të tyre.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.