Si mosmarrëveshjet mbi pronën intelektuale po pengojnë ‘mbrojtjen e shekullit të ri’ për Gjermaninë, Francën dhe Spanjën?

Mosmarrëveshjet mbi të drejtat e pronës intelektuale nënkuptojnë që Gjermania, Franca dhe Spanja nuk kanë rënë dakord për hapat e ardhshëm për një projekt të përbashkët të avionëve luftarakë, tha të shtunën ministria e mbrojtjes në Berlin pasi mbaroi afati për të gjetur një zgjidhje.

Javën e kaluar, ministrat e mbrojtjes të Gjermanisë dhe Francës caktuan një afat të fundit në prill për të ndërmjetësuar një marrëveshje mbi Sistemin Ajror të Luftimit të Ardhshëm (FCAS), projekti më i madh i mbrojtjes në Evropë.

“Asnjë marrëveshje mbi përdorimin e të drejtave të pronës intelektuale nuk është gjetur akoma,” tha një zëdhënëse e ministrisë. “Për Gjermaninë, qasja e pakufizuar në rezultatet e hulumtimit të financuar bashkërisht është e një rëndësie të madhe.”

Vendet po synonin një marrëveshje javën tjetër, shtoi ajo.

Duke kushtuar më shumë se 100 miliardë euro (120 miliardë dollarë), zhvillimi i avionit bashkon Gjermaninë, Francën dhe Spanjën.

Dassault Aviation, Airbus dhe Indra janë përfshirë në skemën për të filluar zëvendësimin e Rafale të Francës dhe Eurofighters gjermane dhe spanjolle nga 2040.

Zëdhënësi i ministrisë së mbrojtjes së Berlinit tha se duhej të kishte një rregullim adekuat për përdorimin e të drejtave të pronësisë intelektuale në avion i cili respektonte interesat e të gjithë pjesëmarrësve në projekt.

D.B – SCAN
Burimi: CNBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.