Si mund të filloni një karrierë online pa investuar para?!
Me zhvillimin që ka pasur interneti vitet e fundit, duket se është një sektor i mirë për të investuar dhe për të bërë karrierë gjithashtu. Eshtë shumë më e lehtë se sa mund të mendoni! Me një kombinim të përzgjedhjes dhe aftësive, karriera juaj online mund të fillojë pothuajse menjëherë, me shumë pak kapital.
Një nga opsionet më të lehta për të filluar është ajo e asistentit virtual. Me kaq shumë kompani që veprojnë këto ditë pa një lokacion fizik, janë hapur mundësi të shumta për asistentë virtualë, të cilët trajtojnë një gamë të gjerë të detyrave. Këtu përfshihen detyrimet si shërbimi ndaj klientit apo kthimi i përgjigjeve nëpërmjet email. Ju mund të filloni me një klient të vetëm dhe pastaj sapo të identifikoni specialitetin tuaj në një zonë që dëshironi të përqendroheni, në shërbimin e klientëve të mediave sociale, mund të filloni të merrni më shumë klientë, duke rritur kështu potencialin tuaj të fitimit.
Së dyti, ju mund ta konsideroni veten tuaj si një trajner biznesi. Nëse jeni një ekspert në një fushë të caktuar, nxisni njohuritë tuaja dhe bëhuni trajner, duke i mësuar ‘’nxënësit’’ nga e gjithë bota. Interneti ju lejon të arrini këdo që është i interesuar, pavarësisht nga vendndodhja e tyre gjeografike. Për shembull, merrni bashkëpunëtorin Timothy Sykes. Ai është një tregtar shumë i suksesshëm i aksioneve që përdorte njohuritë dhe ekspertizën e tij për të krijuar një program që ua mëson strategjitë e tij studentëve, që regjistrohen për programin e tij të sfidave.
Së treti, mund të pozicionoheni tek marketingu online. Pothuajse çdo biznes po bën disa forma të marketingut të përmbajtjes këto ditë. Çdokush mund të krijojë fushata marketingu por shumë pak prej tyre tërheqin vëmendjen e audiencës. Pra, nëse ju jeni i aftë në krijim e fushatave të tilla, apo thjesht ju pëlqen të shkruani, ju mund të përfitoni nga kjo mundësi.
Ndikimi i rrjeteve sociale në përditshmërinë e gjithsecilit prej nesh, tashmë është bërë e pashmangshme. Nëse keni shumë ndjekës në mediat sociale, ju mund të fitoni para për promovimin e produkteve. Disa influencues të medias sociale me një numër të lartë ndjekësish fitojnë mijëra dollarë për postim.
Një disiplinë interesante është dhe ajo e You Tube. Krijuesit e YouTube, mund të bëjnë miliona dollarë nga të ardhurat që vijnë nga reklamat, por ajo çfarë ju mund të bëni, është të gjeni një koncept interesant ose histori, ti filmoni dhe ti hidhni në këtë platformë. Gjithçka ju duhet të bëni është të jeni tërheqës, në mënyrë që të merrni sa më shumë klikime.
Mundësia e fundit, ju dedikohet atyre që janë të apasionuar pas teknologjisë dhe krijimtarisë. Nëse je një dizajner grafik atëherë ka një audiencë masive që pret të të punësojë. Ju mund të vendosni vetë sesa orë do të punoni, si dhe ekipin që doni të keni rreth vetes.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.