Si mund të fitojmë para shtesë, gjatë kohës që punojmë me kohë të plotë?!

Shoqata Psikologjike Amerikane ka bërë  ​​një studim që tregon se stresi i parave ndikon shëndetin e gjithsecilit prej nesh. Ju mund të eleminoni disa nga ato strese financiare duke fituar të ardhura shtesë, edhe nëse keni një punë me orar të plotë.  Ja se si të filloni një punë e cila nuk kërkon shumë kapital për tu investuar dhe që sjell të ardhura shtesë në llogarinë tuaj bankare.

Filloni një biznes shërbimi.

Nisja e një biznesi shërbimesh mund të bëhet me shumë lehtësi pasi nuk kërkon shumë kontakte. Mënyra më e lehtë për të filluar është duke u treguar njerëzve tuaj të afërt atë që ju ofroni me biznesim tuaj, dhe duke u kërkuar atyre që të përhapin fjalën. Gjithashtu ju mund të përdorni dhe marketingun online.

Investoni në pasuri të patundshme.

Të bëhesh pronar nuk është gjithmonë praktik për ata që janë të punësuar me orar të plotë. Por ju mund të shikoni mundësinë e blerjes së një prone të vogël në një vend tjetër, dhe ta përdorni atë gjatë pushimeve tuaj duke kursyer para, por njëkohësisht ju mund ta jepni me qira gjatë kohës kur ju nuk e përdorni. Ky lloj biznesi do ju sjellë para shtesë pa u lodhur shumë për to.

Kurset online

Ndani ekspertizën tuaj duke nisur një kurs në internet për të ndihmuar të tjerët, dhe ndërkohë fitoni të ardhura pasive. Mund të caktoni një orar gjatë ditës kur ju jeni i lirë, dhe të shpalosni informacionet tuaja online në funksion të atyre që kanë nevojë, kundrejt pagesës monetare.

Krijo kompaninë tënde ‘’Amazon’’.

Ka gjithmonë hapësira për të hapur dyqanin tuaj online dhe për të ndërtuar një rrjet klientësh që do i bëjnë blerjet e tyre tek ju. Gjithçka ju duhet të bëni, është  të hulumtoni produktet që kanë më shumë kërkesa, të gjeni një prodhues, dhe të reklamoni faqen tuaj sa më shume. Kujdes! – Mos harroni të fokusoheni tek shërbimi ndaj klientit dhe kërkesat e rimbursimit.

Bashkohu me ekonominë e ndarjes.

Nuk është e vështirë të kursesh disa para në fund të muajit duke shfrytëzuar ekonominë e ndarjes. Ekonomia e ndarjes, nënkupton dhënien me qira të makinës tuaj apo biçikletës gjatë kohës që juve nuk e përdorni atë. Gjithashtu ju mund të merrni në konsideratë dhënien me qira të gjithë shtëpisë tuaj gjatë kohës që jeni me pushime apo jeni duke vizituar familjarët tuaj për një kohë të gjatë.

Këto janë disa nga mënyrat me të cilat ju, jo vetëm që mund të krijoni disa të ardhura shtesë në muaj, por dhe mund të kurseni shumë para duke u treguar shumë të zgjuar në menaxhimin e çdo subjekti që ju zotëroni. Mjafton pak dëshirë dhe shumë ide!

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.