Si mund të jeni të qëndrueshëm, të lumtur, të pasionuar dhe produktivë gjatë kohës që punoni
Përgjegjësitë në punë shpesh ju bëjnë të jeni më emocionalë, të mos keni një performancë të mirë. Por ne do t’ju tregojmë disa hapa se si mund të jeni më të qëndrueshëm dhe produktivë teksa jeni duke punuar.
Hapi i parë: Vendosni qëllime
Është tepër e vështirë të ktheheni mbrapa kur nuk e dini se çfarë duhet të bëni. Në fillim të ditës, përpiquni të bëni një listë të shkurtër të qëllimeve që duhet t’i përmbushni deri në mbrëmje. Këto qëllime që keni vendosur përgjatë ditës duhet të jenë të arritshme dhe produktive. Duke vendosur qëllimet që doni të arrini gjatë ditës ju do të mbani veten të motivuar dhe në rrugën e duhur për të kryer detyrat në punë.
Hapi i dytë: Filloni mëngjesin tuaj me diçka që ju pëlqen
Është tepër e rëndësishme që gjërat që ju pëlqejnë t’i praktikoni. Aq më mirë kur e bëni që në mëngjes, në këtë mënyrë nuk do të ndiheni të përgjumur, por do të jeni më të qëndrueshëm në punë.
Hapi i tretë: Qëndroni në një linjë
Mos lejoni që interneti t’ju bëj dembel. Nëse do ta filloni ditën tuaj duke shfletuar mediat sociale, do të ketë një efekt negativ në motivimin tuaj. Përpiquni të qëndroni një linjë, dhe të ndiqni qëllimet që keni vendosur hap pas hapi.
Hapi i katërt: Bashkëpunoni me dikë
Bashkëpunimi me dikë jo vetëm që do ju ndihmojë për të mbajtur përgjegjësinë, por e bën ditën e punës më emocionuese dhe të dobishme. Bashkëpunoni me dikë që keni marrëdhënie pune, sepse në këtë mënyrë ju mund të shfrytëzoni të gjithë energjinë tuaj.
Hapi i pestë: Qëndroni të organizuar
Në punën tuaj përpiquni të mbani një axhendë ose një kalendar që ju të bën të kujtoni datat e rëndësishme. Në këtë mënyrë do të jeni të përgatitur për takimet apo eventet që keni.
Përgatiti: Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.