Si mund të konkurrojnë dyqanet me shitësit online?

Gjatë pesë viteve të fundit, dyqanet online pothuajse janë dyfishuar. Mirëpo, nëse jeni shitës dyqani për aq kohë sa do të shënjestroni konsumatorët e duhur, ju do të korrni sukses.

Në raportin, ‘’Product Touch and Consumers Online and Offline Buying”, The role of Mental Representation”,  i cili do të publikohet në botimin e Shtatorit të Journal of Retailing, studiuesit Ëurnei Liu dhe Haizhogn Wang zbuluan mënyrën befasuese se si shitësit pa prezencë online mund të arrijnë sukses.

Përmes studimeve të ndryshme, studiuesit zbuluan efektet që prekja fizike e një produkti ka në marrjen e vendimeve.

Studiuesit gjithashtu zbuluan se pavarësisht se një person e mendonte në mënyrë konkrete apo abstrakte do të vendoste gatishmërinë e tij për blerje online. Për ata të cilët mendojnë konkretisht, prekja fizike e një produkti ishte shumë e rëndësishme.

Në një studim, pjesëmarrësve iu kërkua të blinin një gotë, e cila u vendos në një kuti plastike transparente.

Fillimisht, pjesëmarrësve iu kërkua të mendonin në mënyrë abstrakte nëse do ta blinin atë, dhe në skenarin e dytë, të mendonin konkretisht përderisa merrnin vendimin e blerjes. Kur mendonin në mënyrë abstrakte, nevoja për të prekur gotën nuk kishte efekt në vendimin e tyre të blerjes.

Mirëpo, kur atyre iu kërkua të mendonin konkretisht dhe të ishin në gjendje të preknin gotën, gatishmëria e pjesëmarrësve për ta blerë atë u rrit.

Një studim i dytë konfirmoi këto rezultate, gjithashtu zbuloi se ata të cilët mendojnë në mënyrë konkrete ndjenin më shumë zotërim dhe më pak rrezik kur ishin në gjendje të preknin një produkt para blerjes.

Pra si mund të arrijnë sukses shitësit të cilët nuk kanë prezencë online?

Shënjestroni mendimtarët konkretë. Autorët sugjerojnë që shitësit jashtë internetit të përdorin të dhëna të konsumatorëve nga shitjet online për të identifikuar mendimtarët konkretë të cilët vlerësojnë prekjen, dhe në fund të shënjestrojnë ata konsumatorë në përpjekjet e tyre të marketingut. Pastaj, sigurisht, të prezantojnë artikujt e tyre  në një mënyrë të prekshme.

Burimi:Entrepreneur

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.