Si ndikoi pandemia në marrëdhëniet tregtare Shqipëri-Kosovë? Sa u eksportua dhe sa importuam
Gjatë muajit mars 2020, Shqipëria eksportoi në Kosovë mallra me vlerë rreth 1.6 milardë lekë duke njohur një rënie të konsiderueshme në krahasim me rastin e vitit të kaluar. Kur shifra ishte rreth 2.8 miliardë lekë. Edhe në rang tremujori, janar-mars, këtë vit Shqipëria ka eksportuar më pak drejt Kosovës (4.8 miliardë nga 5.8 që ishte vjet).
Sa i përket importeve, rezulton se Shqipëria ka marrë nga Kosova mallra me vlerë 459 milionë lekë. Në marsin e vitit të kaluar, shifra e importeve ishte 644 milionë lekë. Ndërsa në rang tremujori, janar-mars, Shqipëria ka njohur një rritje të lehtë.
Këtë tremujor Shqipëria importoi nga Kosova mallra në vlerë 1.5 miliardë lekë duke njohur një rritje prej 50 milionë lekë në krahasim me tremujorin e vitit të kaluar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.