Si ndikojnë kulturat e ndryshme në bizneset ndërkombëtare?
Në botën e biznesit, komunikimi është i domosdoshëm për ekzekutimin e suksesshëm të operacioneve të përditshme.
Të kuptuarit e dallimeve kulturore dhe kapërcimi i barrierave gjuhësore janë disa nga konsideratat që njerëzit duhet të kenë, sidomos kur merren me biznese ndërkombëtare dhe kanë të bëjnë me njerëz që vijnë nga kultura të ndryshme.
Shpesh marrëveshjet e biznesit humbasin sepse palët përfshira nuk kanë kohë për të mësuar rreth kulturave të njëri-tjetrit përpara se të bashkëveprojnë.
Kur bëni biznes me një shoqërues nga një vend tjetër, merrni parasysh dallimet kulturore që mund të paraqiten. Këtu përfshihen zakonet themelore, sjelljet dhe gjestet.
Psh nëse takimet bëhen duke ditur më shumë rreth kulturave e zakoneve të njeri-tjetrit do të evitoheshin sjelljet që ndoshta për ju janë normale port ë cilat konsiderohen të pahijshme rreth kulturës së tjetrit.
Nëse mësoni më shumë rreth kulturës së tjetrit dhe arrini të përshtateni, kjo do të rrisë mundësinë që shitësi të mbyllë marrëveshjen.
Në disa vende, si Shtetet e bashkuara dhe Gjermania është e zakonshme të flitet me zë të lartë dhe të jenë më të sigurt apo agresivë kur ndajnë ide apo japin udhëzime.
Në vende si Japonia, njerëzit zakonisht flasin me zë të ulët dhe janë më pasivë për ndarjen e ideve apo dhënien e sugjerimeve. Kur bashkëveprojmë me njerëz të kulturave të ndryshme një ton neutral është më i përshtatshmi.
Por të kuptuarit i dallimeve kulturore është shumë i rëndësishëm edhe kur bëhet fjalë për një fushatë marketing. Paraqitja e një fushate e cila nuk është në përputhje me normat specifike kulturore mund të fyejë audiencën e synuar dhe të pengojë fushatën ën masë të madhe.
Të qenit të vetëdijshëm për normat kulturore mund t’ju ndihmojë të kufizoni audiencën e synuar. Për shembull në Japoni dhe Austri zakonisht meshkujt e kanë kontrollin e vendimmarrjes por në Suedi janë femrat ato që marrin shumicën e vendimeve për blerje.
Kështu që e njëjta fushatë në vende të ndryshme duhet ti drejtohet dy gjinive të ndryshme.
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.