Si ndryshon TVSH në 4 shtetet më të mëdha të Europës?

Një vështrim më të detajuar mbi taksën e konsumit në Itali, Francë, Spanjë dhe Gjermani.

Në vendet më të rëndësishme të BE-së vlera e taksës së konsumit rezulton se merr shifra të ndryshme ku vihet re qartë se vlerën më të lartë e ka Italia 22% ndjekur nga Spanja 21%, Franca 20% dhe më të ulëtën Gjermania 19%.

Një vështrim më specifik i TVSH-së sipas kategorive të ndryshme të produkteve.
Në Francë për disa produkte si (ilaçet, disa gazeta e revista si dhe për disa kafshë të destinuara për prodhime ushqimore) paguhet vetëm 2.1%. Veç kësaj kemi edhe 5.5% mbi produkte dhe shërbime si ushqimi bazë, furnizimi me ujë, pajisjet mjekësore për personat me aftësi të kufizuar si dhe librat. Për aktivitete të tjera si aksesi në parqet e lojërave ose hotele aplikohet taksa prej 10%.

Ndërkohë që për kompjuter dhe telefona celularë në Gjermani tatimi ndalet ne 19%, kundrejt 20 % të Francës, 21% në Spanjë dhe 22% në Itali.
Në ndryshim nga Franca, Spanja dhe Italia, në Gjermani mbi produktet farmaceutike nuk ka zbritje dhe paguhet norma e zakonshme prej 19%. Ekziston një normë më e ulët e TVSH-së prej 7% për shërbimet sociale, kujdesin mjekësor dhe dentar si dhe për pajisjet për persona me aftësi të kufizuar. Produktet e tjera ku shtrihet norma e reduktuar 7%, janë produktet ushqimore bazë, akomodimi në hotele dhe dru zjarri. Megjithatë, shkalla e zakonshme e tatimit është vetëm 19%: fakt që sjell një taksë më të ulët për veshjet, kompjuterët , telefonat celularë si dhe për automjetet me motor, krahasuar me Francën 20%, Spanjën 21% dhe Italinë 22%.

Sikurse dhe në Itali, ushqimet bazë në Spanjë kanë një TVSH prej 4%. Kjo vlen dhe për strehimin social dhe disa ilaçe bazë. Ndërsa për produktet farmaceutike në Spanjë, ajo zbret në 4%, ndërsa në Itali arrin 10%. Në Itali, megjithatë, ndryshe nga Gjermania, Franca dhe Spanja, ka një normë të reduktuar prej 4% për automjetet e përdorura dhe për personat me aftësi të kufizuara.

Burimi: IL SOLE 24ORE

Përshtati: E.S/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.