Si një kompani globale me 75mijë punëtor po planifikon rikthimin e punonjësve në zyra pas pandemisë, duke lënë mundësinë për punën nga distanca të hapur

Zhvendosja e papritur e punës në distancë çoi në disa javë kaotike ndërsa kompanitë u përpoqën të bënin rregullimet e nevojshme.

Por ndërsa korporatat fillojnë të vendosen në normalen e re – ose të paktën, për aq kohë sa udhëzimet për distancimin social mbeten në vend – shumë janë duke peshuar mundësinë nëse do të bëjnë një ndërrim të përhershëm për të lejuar më shumë punonjës të punojnë nga shtëpia madje edhe pas koronavirusit. Cisco është një prej tyre.

Pas kalimit të fuqisë punëtore globale mbi 75,000 persona në punimin nga distanca, gjigandi i teknologjisë po ndërmerr hapa për të vazhduar të bëjë të mundur që punonjësit të vazhdojnë të bëjnë punët e tyre në shtëpi, si bërja e rrjeteve të komunikimit më të forta për të lejuar më shumë qasje të largët në bazat e të dhënave të brendshme.

Cisco po shqyrton zbatimin e udhëzimeve të reja për distancimin shoqëror për zyrat sapo ato të hapen – si vendosja e punëtorëve në dy tavolina dhe specifikimi se në cilat ditë lejohet të hyjë në godinë secili grup.

Ndër procedurat e reja operative që janë në shqyrtim në firmën 35-vjeçare janë krijimi i dy “ekipeve” të punonjësve dhe lënia e secilit grup të punojë në zyrë për gjysmën e javës. Cisco gjithashtu ka të ngjarë të vazhdojë të vendosë kufizimet e udhëtimit për të ndihmuar në zbutjen e çdo rasti të ri të koronavirusit.

D.B – SCAN

Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.