Si planifikon Europa të përballet me një valë të dytë infeksionesh nga COVID-19?!
Nuk ka siguri, por në vjeshtë një valë e dytë e infeksioneve koronavirus mund të prekë Europën, dhe jo vetëm, kështu që Komisioni Europian dëshiron që vendet anëtare të arrijnë të përgatitur për këtë eventualitet. Sipas disa parashikimeve, kërkesa është që të shfrytëzohet koha e disponueshme deri në vjeshtë për të përgatitur një plan që do të ndihmojë në kontrollimin e rritjes së rasteve pozitive dhe, mbi të gjitha, shmangien e një bllokimi të ri që mund të jetë shumë i rëndë për ekonominë e vendeve të ndryshme europiane. Brukseli ka hedhur poshtë një duzinë rekomandimesh teknike dhe politike, siç janë administrimi i vaksinave kundër gripit, investimet ekonomike në shëndetin publik dhe forcimi i kujdesit intensiv. Qëllimi është aktivizimi i një përgjigjeje të koordinuar që kufizon, në rastin më të mirë, shpërthimin e rasteve të reja masive.
Udhëzimet
Masa që duhet të aprovohet me më shumë urgjencë, duke marrë parasysh gjithashtu që hyrja në fuqi duhet të jetë mjaft e afërt, është një fushatë vaksinimi kundër gripit sezonal. Arsyeja? Shmangia e mbingarkesave në sistemin kombëtar shëndetësor i cili mund të kanalizojë përpjekjet e tij në trajtimin e personave të infektuar rishtas.
Sidoqoftë, është e nevojshme që vaksinat e para të administrohen shpejt dhe të përdoren zona të dedikuara ose të jepet edhe mundësia e kryerjes së tyre në shtëpi. Shtuar kësaj, është një plan më i gjerë për shëndetin publik: forcimi i kujdesit intensiv, rezervat e ilaçeve dhe pajisjet më të gjera mbrojtëse personale dhe planet mbështetëse për sektorët e popullatës që konsiderohen më të prekshëm, siç janë të moshuarit, njerëz me sëmundje, emigrantët, punëtorët sezonalë ose ata më të ekspozuar ndaj virusit.
Natyrisht nuk është e mjaftueshme. Shumë varet gjithashtu nga sjellja individuale: tubimet duhet të shmangen, maska dhe larja e shpeshtë e duarve duhet të jenë praktika ditore. Kjo do të pasohet nga teste më të shpeshta diagnostikuese dhe identifikim më të shpejtë të të infektuarve me aplikacionet e gjurmimit të kontaktit.
Qëllimi është parandalimi i një bllokim të ri. Ose të paktën një që përfshin të gjithë vendin. Zgjidhja e Komisionit Europian është të monitorojë vazhdimisht situatën dhe, në një rritje të vazhdueshme të rasteve pozitive, të izolojë vetëm zonën ose territorin e vetëm.
Mbyllja midis kufijve shtetërorë dhe pezullimi i traktatit Shengen gjithashtu duhet të shmanget. Nëse, sidoqoftë, do të ishte akoma e nevojshme të imponohej ndalimi i lëvizjes së njerëzve dhe mallrave (nga të cilat mallrat e konsideruara thelbësore janë të përjashtuara në çdo rast) mund të zgjasë vetëm për një periudhë të kufizuar.(Wired)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.