Si po ecën vaksinimi në Ballkan? – Serbia ofron doza falas për vendet e saj fqinje

Mijëra kërkues të vaksinave nga vendet fqinje të Serbisë u dyndën në Beograd gjatë fundjavës pasi autoritetet serbe ofruan doza falas të koronavirusit për të huajt.

Policia vëzhgonte radhët e gjata të boshnjakëve, malazezëve dhe maqedonasve të Veriut, ndonjëherë familje të tëra, të formuara përpara qendrës kryesore të vaksinimit në kryeqytetin serb.

Ndryshe nga Serbia, e cila mburret me furnizimin e bollshëm të vaksinave, shumë vende të Ballkanit kanë mungesa të mëdha të dozave dhe mezi kanë filluar inokulimet masive.

Serbia tashmë ka dhuruar sasi më të vogla të vaksinave në Maqedoninë e Veriut, Malin e Zi dhe Bosnjën.

Vendi ka një nga nivelet më të larta të inokulimit në Europë, kryesisht falë blerjeve të mëdha të vaksinave kineze Sinopharm dhe ruse Sputnik V. Janë administruar edhe doza Pfizer dhe AstraZeneca.

Vaksinat Oxford-AstraZeneca mbërrijnë në Maqedoninë e Veriut

Maqedonia e Veriut mori grupin e parë të vaksinave Oxford-AstraZeneca përmes iniciativës COVAX. Një dërgesë prej 24,000 dozash u ul në aeroportin kryesor të vendit pranë kryeqytetit Shkup.

Ministri i shëndetit i vendit Venko Filipce tha se 20,000 njerëzit e parë që do të imunizohen me këtë dërgesë do të jenë ata mbi 75 vjeç dhe të sëmurë kronikë. Procesi i vaksinimit do të fillojë nga java e ardhshme.

Maqedonia e Veriut ka qenë duke luftuar me mungesat e vaksinave dhe mezi ka filluar vaksinimin e saj masiv. Vendi i vogël i Ballkanit filloi administrimin e vaksinimeve një muaj më parë me rreth 11,000 doza të Pfizer-BioNTech dhe Sputnik V Rus. Të parët që morën dozat ishin punonjësit e mjekësisë.

“Natyrisht, pritjet tona në lidhje me kohën e dorëzimit nuk janë përmbushur pasi kjo dërgesë ka mbërritur pas disa javësh vonesë,” tha Filipce.

“Por duke pasur parasysh kërkesën globale për vaksina nga e gjithë bota, duke pasur parasysh që të gjitha vendet e botës janë përballur me këtë problem, mendoj se është mirë që ky sistem (COVAX) të funksionojë ashtu siç ishte parashikuar.”

Vaksinimi kinez Sinovac i dorëzuar Bosnjës

Një aeroplan nga Ankara u ul në aeroportin e Sarajevës, duke shpërndarë një donacion turk prej 30,000 vaksinash kineze Sinovac. Dozat u premtuan nga Presidenti turk Rexhep Tajip Erdogan pasi ai kohët e fundit priti anëtarët e Presidencës së Bosnjës në vendin e tij. Bosnja mori vetëm 50,000 vaksina para 30,000 nga Turqia.

Shqipëria fillon fushatën e vaksinimit masiv

Përpara sezonit të turizmit veror, Shqipëria ka filluar fushatën e saj të vaksinimit pasi ka marrë 192,000 doza të vaksinës Sinovac.

Qindra njerëz të moshës 70 vjeç e lart u mblodhën në sheshin kryesor Skënderbej të Tiranës për të marrë një dozë në një nga dy çadrat e mëdha.

Vaksinimi ka ecur ngadalë në vendin ballkanik para mbërritjes së vaksinës Sinovac, me Shqipërinë që merr më pak se 100,000 doza Pfizer, AstraZeneca dhe Sputnik V.

Vendi ka inokuluar deri tani 65,000 personel mjekësor, njerëz të moshës 80 vjeç e lart, dhe mësues të shkollës.

Më parë këtë javë, Kryeministri Edi Rama shkoi në Turqi dhe solli përsëri dozat e Sinovac. 500,000 doza të tjera pritet të mbërrijnë në Shqipëri brenda dy muajsh.

Rama gjithashtu tha se Sinovac do të ndërtonte një fabrikë në Shqipëri për të prodhuar vaksina të ndryshme.

Vendi synon të inokulojë të paktën 10,000 doza në ditë dhe të përfundojë 500,000 doza deri në qershor, tha Ministrja e Shëndetësisë Ogerta Manastirliu.

“Ky proces nuk do të ndalet dhe plani ynë ambicioz i vaksinimit synon që në 14 muaj ta përfundojmë atë (për të gjithë popullsinë) dhe të arrijmë imunizimin,” tha ministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.