Si ta përfshini dyqanin tuaj në rrjetin e dyqaneve të markës shqiptare “edua” e të përfitoni 2 milion lekë për investimin? Procedurat
Ministri i Bujqësisë Niko Peleshi u bën apel subjekteve ekonomikë që të aplikojnë për t’u pajisur me të drejtën e përdorimit të brandit “edua” pranë Agjencisë për Zhvillim Ekonomik Rajonal dhe të aplikojnë për mbështetje me 50% të vlerës së investimit, deri në 2 milion lekë pranë zyrave qëndrore të AZHBR në Tiranë.
“EDUA” është rrjeti më i ri në Shqipëri i dyqaneve me produkte tipike tradicionale: produkte bujqësore dhe artizanale, i cili synon të mbështesë dhe promovojë fermerët, artizanët dhe prodhuesit e tjerë Shqiptarë.
Agjencia për Zhvillim Ekonomik Rajonal në pozicionin e zotëruesit të markës “EDUA”, në kuadër të promovimit të produkteve shqiptare dhe Programit te 100 fshatrave te MBZHR synon krijimin e një rrjeti dyqanesh me produkte cilësore vendase.
Në këto rrethana, AZHER ka shpallur thirrjen e hapur për aplikime dhe fton të gjitha subjektet ekonomikë të cilët duan të krijojnë osë të përshtasin një dyqan ekzistues me standardet e paracaktuara të markës “edua”.
Procedura e aplikimit
Të gjithë aplikuesit duhet të shkarkojnë dokumentat e mëposhtme dhe të dërgojnë në mënyrë elektronike listën e mëposhtme:
-Mjet Identifikimi i përfaqësuesit ligjor ose i personit të autorizuar (kartë identiteti/ pasaportë)
-Një kopje e NIPT/NUIS;
-Vërtetim i muajit të fundit mbi shlyerjen e detyrimeve pranë drejtorisë rajonale të tatim-taksave;
-Vërtetim i muajit të fundit mbi shlyerjen e detyrimeve pranë sigurimeve shoqërore.
Formulari i aplikimit i plotësuar në të gjitha rubrikat. Dokumentat e mësipërm duhet të dërgohen elektronikisht në adresën: [email protected] me subjekt: “Aplikim për përdorimin e markës”.
Brenda një afati prej 3 ditësh pune, aplikuesit e kualifikuar do të njoftohen për tu paraqitur pranë zyrave të AZHER për të firmosur marrëveshjen e përdorimit të markës.
Në vijim, brenda datës 28 Mars 2018, aplikuesit e interesuar mund të aplikojnë edhe për financim pranë AZHBR në skemën kombëtare të mbështetjes në bujqësi për vitin 2018, sipas kushteve të masës numër 52 për të përfituar një grant deri në 50% të vlerës së investimit dhe deri në 2 milionë lekë, për ngritjen e dyqaneve me produkte tipike shqiptare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.