Si të bëni një shitje të suksesshme me vetëm katër hapa?
E keni pyetur ndonjëherë veten pse në një konferencë marketingu folësi do t’ju bëjë të bini disi dakord me ta për një parim apo koncept të caktuar?
Ata ose do t’ju bëjnë që të ngrini dorën nëse jeni dakord me ta ose të bëni një veprim tjetër në shenjë pohimi. Pjesa më e mirë e të gjithë kësaj është angazhimi që ata marrin nga ju.
Duke filluar që nga gjuha e trupit e deri te ngjyrat që keni zgjedhur për të veshur janë një aftësi të cilën jo të gjithë e kanë.
Një shitës i mirë nuk është i mirë vetëm se thotë fjalën magjike por sepse ndonjëherë arrin t’ju mbushë mendjen të bëni një blerje pa bërë asgjë në veçanti.
Gjuha e trupit, mënyra e komunikimit me anë të pamjes suaj është një bindës i vërtetë i subkoshiencës suaj.
Më poshtë do të gjeni katër mënyra se sit ë bëni të mundur t’i shisni gjithçka gjithkujt .
- Bëjini të ndiheni veçanërisht special
Buzëqeshni dhe mirëpritni klientët tuaj. Është detyra juaj t’i bëni ata të ndihen të veçantë. Nëse e keni bërë klientin të ndihet i veçantë atëherë nuk keni më nevojë për të bërë diçka tjetër. Ky është çelësi i vërtetë i suksesit për sa i përket shitjes.
- Jepuni shumë informacion
Informacioni që i jepni klientit në lidhje me produktin, kompaninë apo gjithçka tjetër që e bën klientin të ndihet sikur ju po I besoni ka gjithnjë sukses. Në këtë formë klientët do të ndihen më të afërt me ju dhe të gatshëm t’ju besojnë në gjithçka.
- Bëni premtime realiste
Klienti tentojë t’ju besojë duke menduar se ju keni më tepër njohuri se ai për këto gjëra, por mos harroni premtimet tuaja duhet të jenë sa më realiste. Ju duhet të bëni një premtim për aq sa dini e gjithashtu të shprehni hapur edhe ndonjë mendim të vogël “negativ” që mund të keni.
- Bëni të mundur një shërbim të një niveli të lartë
Pavarësisht teknikave të caktuara të shitjes që padyshim janë të suksesshme, një ndër gjërat më të rëndësishme është një shërbim cilësor. Nëse arrini ta kënaqni një klient me anë të shërbimit keni bërë pjesën më të madhe të punës.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.