Si të hapim një biznes të suksesshëm?!
Hapja e një biznesi të ri kërkon gjithmonë një punë të madhe kërkimore për tu informuar rreth çdo procedure të nevojshme. Por nëse ju keni një ide të mirë, e cila plotëson kërkesat e tregut dhe nëse ju keni motivimin për ta bërë këtë biznes të suksesshëm, atëherë padyshim që ideja juaj do të funksionojë! Më poshtë ju rendisim disa këshilla të cilat janë të domosdoshme për hapjen e një biznesi:
Hapi më i rëndësishëm është njohja e vetes tuaj, njohja e nivelit tuaj të vërtetë të motivimit, sasia e parave që mund të rrezikoni dhe çfarë jeni të gatshëm të bëni për të qenë të suksesshëm. Sigurisht, ne të gjithë duam të bëjmë miliona dollarë. Por çfarë jeni të gatshëm të hiqni dorë për të arritur këtë qëllim? Sa orë në javë do të punoni në mënyrë të vazhdueshme? Për të qenë i suksesshëm, mbani planet tuaja të biznesit në përputhje me qëllimet tuaja personale dhe familjare.
Së dyti, duhet të zgjidhni biznesin e duhur për ju. Formula e vjetër për të gjetur nevojat e tregut dhe për ti plotësuar ato, ende funksionon. Çelësi i suksesit është gjetja e nevojave që mund të plotësoni, dhe që do të prodhojë të ardhura të mjaftueshme për të ndërtuar një biznes fitimprurës.
Plani për sukses. Çdo biznes ka nevojë për një plan, i cili përcakton objektivat dhe qëllimet që doni të arrini. Plani do të ndryshojë ndërsa përparoni dhe mësoni më shumë për klientët tuaj dhe konkurrencën, por përsëri do t’ju ndihmojë të qëndroni të fokusuar.
Mos u demoralizoni prej gabimeve që mund të bëni. Dallimi mes njerëzve të suksesshëm dhe të gjithë të tjerëve është se njerëzit e suksesshëm mësojnë nga gabimet e tyre dhe ecin përpara. Ata nuk fajësojnë të tjerët dhe nëse e shohin që rruga e tyre drejt suksesit është tepër e vështirë, atëherë ata gjejnë alternativa për ta bërë atë më të thjeshtë.
Kuptoni dallimin mes vetëpunësimit dhe ndërtimit të një biznesi të vazhdueshëm. Nëse dëshironi të ndërtoni një biznes, ju duhet të zhvilloni sisteme dhe metoda që ju lejojnë të punësoni njerëz të tjerë. Ju kufizoni potencialin e rritjes nëse nuk sillni njerëz të tjerë për të punuar bashkë me ju!
Duhet ti kushtoni një vëmendje të madhe marketingut dixhital. Edhe nëse po drejtoni një biznes lokal, sërish ju nevojitet marketingu. Në minimum ju nevojitet një faqe interneti me pamje profesionale, një listë email-esh që ju lejon të komunikoni me klientët ,si dhe praninë në kanalet e medias sociale që biznesi të reklamohet sa më shumë.
Dhe së fundmi, por dhe më e rëndësishmja, kurrë mos bini pre e rutinës. Mos u mjaftoni se biznesi po ecën mirë dhe ju tashmë s’keni më nevojë për t’u përmirësuar. I njëjti biznes që po zhvilloni tani mund të mos jetë po kaq i suksesshëm pas pesë apo dhjetë vitesh. Ndaj jini të kujdesshëm ndaj risive. A ka mënyra më të reja apo më të mira për të tregtuar produktet dhe shërbimet tuaja? A kërkojnë klientët diçka që ju nuk jeni duke e ofruar? A ekziston një lloj i ndryshëm i klientit që duhet të orientosh? Merrni përgjigje duke lexuar gjithçka që mundeni në lidhje me industrinë tuaj dhe duke dëgjuar klientët tuaj.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.