Si të kontrolloni në e-albania Pikët e Patentës suaj? DPSHTRR: Kujdes! Heqja e tyre ju çon në ‘riedukim’

Drejtoria e Shërbimeve të Transportit Rrugor informon se drejtuesit e automjeteve mund të kontrollojnë pikët e patentës në E-Albania.

“Ky shërbim elektronik u vjen në ndihmë drejtuesve të automjeteve për t’u informuar online mbi gjendjen e pikëve të lejedrejtimit. Sjellja juaj në timon, në qarkullim reflektohet në pikët tuaja, të cilat ju pakësohen kur procedoheni për kundravajtje ose ju rriten kur jeni korrekt!” njofton DPSHTRR.

KUJDES: Me ndryshimet e reja në Kodin Rrugor, heqja e të gjitha pikëve ju çon në Autoshkollë për riedukim si drejtues mjeti!

Hapat që duhet të ndiqni:

-Identifikohuni si qytetar në portalin e-albania;

-Zgjidhni rubrikën “Transport dhe Automjete”;

-Zgjidhni shërbimin “Pikët e Drejtuesit të Mjetit”;

-Klikoni butonin “Përdor” për të shfaqur informacionin për pikët e drejtuesit të mjetit.

Për çdo pyetje apo paqartësi mbi përdorimin e shërbimit mund të kontaktoni në adresën: [email protected]

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.