Si të menaxhojmë financat gjatë koronavirusit? Ekspertët vijnë në ndihmë me këto mënyra
Koronavirusi është shpallur zyrtarisht një pandemi nga Organizata Botërore e Shëndetit, duke sjellë paqëndrueshmëri në ekonominë e të gjitha vendeve që janë prekur. Tregu i aksioneve po pëson ulje të ndjeshme dhe mjaft industri kane filluar të mbyllen duke lënë të papunë një numër mjaft të lartë punëtorësh.
Ekspertët e shëndetit dhe qeveritë në të gjithë botën po bëjnë thirrje për kujdes. Njerëzit në mbarë botën kanë filluar të furnizohen me produktet kryesore për të përballuar izolimin për një kohë të gjatë në shtëpi. Ndërsa të tjerë, kanë anulluar udhëtimet, konferencat e mëparshme si dhe ngjarjet sportive. CNBC, ka pasur kontakt me pesë këshilltarë financiarë, të cilët ju tregojnë se çfarë të bëni për të përballuar shqetësimin që shkakton paqëndrueshmëria për paratë tuaja.
Lërini për një moment të dytë marrjen e vendimeve për investimet tuaja
Shumica e këshilltarëve thonë që të lini investimet tuaja për më vonë pasi të kalojë kjo gjendje paqëndrueshmërie dhe pasigurie. Tani është gjithashtu një kohë e mirë për të rivlerësuar qëllimet tuaja, thotë Ryan Marshall, një planifikues financiar i çertifikuar në Neë Jersey.
‘’Nëse dëshironi të investoni për një qëllim afatshkurtër, si blerja e një shtëpie, dhe rënia e tregut është shumë dramatike, atëherë konsideroni se si mund ta ndryshoni strategjinë tuaj kur gjërat të qetësohen.
Një sugjerim tjetër: Qëndroni larg mediave sociale dhe lajmeve të tjera që ju shkaktojnë frikë
“Në çdo sfidë të mëparshme shëndetësore, tregjet kanë reaguar negativisht dhe gjatë tre deri në gjashtë muaj pas goditjes fillestare, tregjet u kthyen në normalitet, dhe në shumicën e rasteve tregjet prodhuan një kthim pozitiv,” thotë Koury.
Rritni kursimet tuaja të urgjencës
Deri më tani, përparësia juaj kryesore financiare duhet të jetë sigurimi që ju të keni një fond të konsiderueshëm urgjence, thotë Shaun Melby, një planifikues financiar i çertifikuar në Nashville. Kjo bëhet dyfish e rëndësishme sepse në Shtetet e Bashkuara të Amerikës, nuk ka pushim të detyruar të paguar. Nëse sëmuresh dhe humbet punën, ose humbet punën për shkak të koronavirusit, do të të duhen para për tu rikthyer.
“Gjëja më e rëndësishme që njerëzit mund të bëjnë tani është të siguroheni që të kenë një fond urgjence” thotë Melby. “Kjo lloj situate është pikërisht ajo për të cilat janë krijuar fondet e emergjencës’’
Nëse nuk keni shpenzime të kursyera prej tre deri në gjashtë muaj, atëherë është koha të bëni disa sakrifica për të rritur fondin tuaj të urgjencës.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.