Si të ndiheni të dobishëm në punën tuaj?

Në një botë ideale, jeta jonë e punës do të ishte tërësisht e përmbushur, plot kuptim dhe motivim thelbësor. Por çka nëse këto nuk janë?

Çfarë ndodh nëse keni ngecur në një punë ose karrierë të cilën dikur e pëlqenit por tashmë nuk mund ta duroni më asnjë sekondë?

Këtij profili i përshtaten më shumë njerëz nga sa mendoni. Sipas një sondazhi të Gallup 2017, vetëm një e treta e punonjësve të Uashingtonit ndihen të angazhuar në punë, kjo tregon që vetëm një nga tre punëtorë kanë një nivel të lartë të iniciativës, angazhimit, pasionit dhe produktivitetit në punën e tyre.

Në fakt ekziston një numër i madh arsyesh pse ndodh ky fenomen.

1. Ju mund të ndiheni të mbërthyer duke bërë çdo ditë të njëjtën gjë pa pushim.
2. Ju mund të keni kuptuar se jeni në profesionin e gabuar dhe se dëshironi të bëni diçka tjetër.
3. Ju mund të keni kuptuar se talenti juaj është I përqendruar në diçka tjetër ose thjesht nuk ju pëlqen ajo punë që bëni në atë kompani.

Arsyet janë nga më të ndryshmet po çfarë duhet të bëni kur t’ju krijohet kjo ndjesi. Më poshtë do të gjeni disa këshilla të vlefshme.

Vlerësoni atë që dëshironi nga puna juaj

Jo të gjithë duan një karrierë të lartë. Në fakt, sipas një  hulumtimi nga profesori Yale, Amy Wrzesniewski, njerëzit priren të bien në një nga tre kategoritë më poshtë:

Disa e shohin punën e tyre si karrierë;

Të tjerët e shohin atë si thjesht një punë

Dhe ende të tjerët e shohin atë si një thirrje.

Është kjo kategoria e tretë e njerëzve, të cilët shfaqin performancë më të lartë dhe një ndjenjë më të madhe të kënaqësisë në punën e tyre.

Çelësi për ju është përcaktimi i asaj që ju intereson tani, ajo që ju drejton, ajo pas të cilës jeni të  pasionuar, çfarë me të vërtetë ju motivon, dhe filloni nga atje. Është e mundur që ajo që iu  çoi në karrierën tuaj në të 20-at tuaj nuk është më tërheqëse.

Mos e detyro veten tuaj 40, 50 ose 60 vjeçar të kuptojë ndjenjën tuaj ambicioze 20-vjeçare. Edhe nëse nuk e gjeni thirrjen tuaj të vërtetë, së paku do të rrisni shanset për të gjetur një përvojë kuptimplotë pune.

Nëse gjithçka tjetër dështon, bëni një ndryshim. Mendoni të ndryshoni karrierën tuaj ashtu siç do të dëshironit të bënit ndryshimin në shtëpinë tuaj.

Kur e keni blerë shtëpinë tuaj keni pasur kërkesa të caktuara por që atëherë prioritetet tuaja mund të kenë ndryshuar. Ndoshta ka ardhur momenti të lëvizni nga ajo shtëpi, ndoshta ta rinovoni por mund të ndodhë të jeni të kënaqur dhe komodë me zgjedhjen që bëtë para shumë vitesh.

Në të njëjtën mënyrë mund t’ju ndodhë të ndiheni edhe për punën tuaj. Edhe në punë  prioritetet tuaja ndryshojnë? Mendoni gjithmonë që ka ardhur momenti për një ndryshim ose rinovim por jo për një  lëvizje përfundimtare pasi investimi i gjithë asaj kohe nuk duhet të shkojë dëm.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.