Si të negocioni me shefin tuaj për një orar fleksibël pune
Në ditët e sotme një orar fleksibël pune është praktikë e zakonshme e vendeve të punës. Orari tradicional 9 me 5 nga e hëna deri në të premte nuk funksionon më dhe shumë kompani i përshtaten më mirë atyre që punojnë me një orar të tillë.
Kështu që përpara se të negocioni për punën, pagën dhe orarin në punën tuaj të re shikoni nëse mund të negocioni për një orar fleksibël.
E gjitha që ju duhet për këtë është të jeni të përgatitur për të bindur punëdhënësin tuaj pse është më mirë që orari juaj të mos jetë 9 me 5.
Më poshtë do të gjeni disa nga mënyrat se si mund ta bëni këtë:
- Lexoni mirë kontratën tuaj ose manualin e punonjësve
Përpara se të niseni për një bisedim pune, për çfarëdolloj tematike ju duhet të jeni të përgatitur. Në këtë rast ju duhet të jeni të përgatitur duke e njohur mirë kontratën e punës si dhe manualin e punonjësve.
- Bëni një plan
Pavarësisht nëse në kontratën tuaj të punës apo në rregullat e kompanisë përshihet orari fleksibël, nëse ju jeni këmbëngulës dhe i dini shumë mirë të drejtat dhe detyrat tuaja shefi juaj do e ketë të pamundur t’ju refuzojë.
- Tregoni përfitimet që do të ketë punëdhënësi juaj
Të gjithë janë të interesuar kur përfitojnë diçka dhe kjo vlen dhe në punën tuaj. Në momentin që do t’i provoni shefit tuaj se ai do të ketë përfitime nga kjo dhe ju do të jeni më produktivë jeni në rrugë të mbarë.
- Kërkoni një periudhë prove që punëdhënësi juaj të kuptojë se si do të funksionojë
Zakonisht të gjithë kanë tendencën të jenë negativ kur nuk e kanë provuar diçka më parë por nëse ju i tregoni si funksionon pa përfituar asgjë në këmbim është një mënyrë e mirë që personi tjetër të kuptojë se sa fitimprurës është ky ndërveprim.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.