Si të përmirësoni mënyrën tuaj të jetesës në 2018-ën? – Ndiqni këto këshilla

Tashmë që hymë në një vit të ri, ka ardhur momenti të rishikoni dietën tuaj, të planifikoni stërvitje, si dhe një rutinë të re më produktive për veten tuaj.

Përmirësimi I shëndetit tuaj vjen fare thjeshtë, mjafton që ju të tregoni të vëmendshëm e të pa përtuar.

1. Konsumoni produkte që përmbajnë shumë fibra

Shumica e njerëzve nuk e plotësojnë sasinë e rekomanduar të fibrave ditore, 25 gram për gratë dhe 38 gramë për meshkujt. Fibrat kanë shumë përfitime shëndetësore përfshirë uljen e kolesterolit si dhe ndjesinë e ndjenjës së ngopjes. Filloni të konsumoni fibra do të shikoni rezultate.

2. Përpiquni të flini gjumë mjaftueshëm

Kur jeta ndërlikohet dhe angazhimet grumbullohen gjumi është shpesh gjëja e parë që sakrifikohet. Por sakrifikimi I gjumit është një nga gjërat më të këqija që mund të bëni. Mungesa e tij ndikon shumë në mënyrën tuaj të jetesës ndaj është e rëndësishme të flini gjumë mjaftueshëm.

3. Pini më shumë ujë

Konsumimi i ujit ka një rol tepër të rëndësishëm në funksionimin e organeve vitale. Trupi ynë përbëhet nga 55-75 për qind ujë, prandaj edhe kemi aq shumë nevojë për të pirë ujë, në mënyrë që të kompensohet sasia e ujit që del nga organizmi. Uji na ndihmon që nga trupi të nxjerrim produktet e panevojshme të metabolizmit të yndyrnave. Ky proces ka shumë rëndësi te personat që duan të humbin peshë. Uji jep ndjenjën e ngopjes, prandaj personave që duan të humbin në peshë u këshillohet që të pinë një gotë ujë para çdo vakti. Uji tret produktet e dëmshme të cilat krijohen gjatë metabolizmit, duke mundësuar nxjerrjen sa më të shpejtë të tyre në ambientin e jashtëm.

4. Filloni të stërviteni

Të gjithë kemi dëgjuar për përfitimet e stërvitjes, të tilla si humbje nga pasha, zvogëlim i rrezikut të sëmundjeve kronike, një trup me forma më të mira etj. Por stërvitja kërkon vullnet dhe një qëllim të qartë se çfarë kërkoni të arrini. Mos vendosni një qëllim të paqartë për të punuar më shumë, por jini specifike dhe zgjidhni diçka që ju pëlqen dhe shijoni

5. Kaloni më shumë kohë me njerëzit tuaj të dashur

Kalimi I kohës me njerëzit tuaj të dashur, ndikon për mirë në shëndetin, humorin si dhe produktivitetin tuaj. Përpiquni të gjeni gjithnjë kohë për familjarët tuaj dhe të bëni të gjitha aktivitetet që ju pëlqejnë.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.