Planifikimi i karrierës – Një hap i rëndësishëm drejt të ardhmes

Akoma nuk dini cdo të bëni me karrierën tuaj? Atëherë ndiqni këto 6 hapa e me siguri do të mësoni diçka më shumë.

1. Mos ndaloni së mësuari

Pavarësisht dijes që keni në një fushë të caktuar ajo nuk është kurrë mjaftueshëm. Sa më shumë kohë kalon aq më shumë zhvillohet teknologjia e ne duhet të ecim me hapin e saj. Nëse mendon se aftësitë e tuaja aktuale janë të mjaftueshme atëherë edhe puna juaj momentale është e mjaftueshme. Nëse dëshironi të bëni karrierë atëherë duhet të ngulisni mirë në kokë se  njohuritë dhe  aftësitë tuaja nuk janë kurrë mjaftueshëm.

2.Puna që keni është vendi më i mirë për të filluar karrierën tuaj

Nuk ka rëndësi puna që bëni apo nëse doni të bëni karrierë në atë fushë. Është shumë e rëndësishme që gjithçka që bëni ta bëni sa më mirë. Ndonjëherë është shumë e vogël ajo çfarë i ndan njerëzit nga suksesi.. Nëse e kryeni mirë punën tuaj, kjo është mënyra më e mirë për të filluar një karrierë. Mos harroni sugjerimet janë të rëndësishme nëse doni të përmirësoheni më tej.

3. Krijoni sa më shumë kontakte

A e di se më shumë se 50% e pozicioneve të punës sigurohen nga rrjeti i kontakteve?
Nëse ke një rrjet të mirë kontaktesh, është gjithmonë një mundësi shumë e mirë për të zbuluar karrierën tuaj si dhe të eksploroni mundësi të reja. Kur të krijoni kontakte ët reja përpiquni të mos harroni kontaktet e vjetra pasi të gjitha kontaktet kanë rëndësinë e tyre.

4. Përcaktoni punën tuaj të ëndrrave

Secili prej jush e ka një punë të cilën gjithmonë e ka ëndërruar. Përpiquni të aftësoheni sa më shumë ndoshta këto aftësi do t’ju drejtojnë shumë shpejt punën e ëndrrave. Edhe nëse këto aftësi nuk ju drejtojnë në punën e ëndrrave të jeni të bindur se do t’ju shërbejnë shumë.

5. Investoni në aftësi gjithëpërfshirëse

Rishiko vazhdimisht  CV tuaj dhe shtoni eksperienca apo kualifikime. Nga momenti në moment mund t’ju shfaqet puna që gjithmonë keni dashur, prandaj është e rëndësishme të jeni të përshtatshëm për pozicionin e punës.

6. Realizoni ëndrrën tuaj

Mos lejo që një punë shumë e ngarkuar të shkatërrojë ëndrrat e tua. Nëse keni synime  më të tjera  filloni të veproni.
Nëse keni në plan për të arsimoheni  më tej, të filloni biznesin tuaj , apo të ndiqni një hobi që gjithmonë keni dëshiruar mos lejoni që puna që keni t’ua marrë të gjitha energjitë.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.